ఇళయరాజా (Ilaiyaraaja)..ఈ పేరు తలవకుండా ఇండియన్ సినీ ఇండస్ట్రీ గురించి మాట్లాడటం చాలా కష్టం. తన సంగీతంతో యావత్ ప్రపంచాన్ని మంత్రముగ్దులను చేశారు. ఇప్పటికే 1400 వందలకు పైగా సినిమాలకు సంగీతం అందించి రికార్డ్ క్రియేట్ చేశారు ఈ సంగీత జ్ఞాని. ఈ ప్రయాణంలో ఆయన సాధించిన విజయాలు, ప్రశంసలు, అవార్డులు ఎన్నో ఎన్నెన్నో. ఆలాంటి మహానుభావుడి నిజ జీవితంపై సినిమా వస్తుందని చాలా రోజుల నుంచి వినిపిస్తోంది.
తాజాగా మేకర్స్ ఈ సినిమాని అఫీషియల్గా అనౌన్స్ చేసారు. బుధవారం (మార్చి 20న) చెన్నై లో ఇళయరాజా, హీరో కమల్ హాసన్ (Kamal Haasan) సహా ధనుష్ తదితరుల సమక్షంలో ఈ సినిమా టైటిల్ లుక్ పోస్టర్ ని రిలీజ్ చేశారు.
ALSO READ :- RC16PoojaCeremony: గ్రాండ్గా ప్రారంభమైన RC16..బుచ్చిబాబు మార్క్ టైటిల్!
ఈ ప్రతిష్టాత్మక చిత్రంలో ధనుష్ ఇళయరాజా పాత్రలో నటిస్తున్నట్టుగా కన్ఫర్మ్ చేశారు. ది కింగ్ అఫ్ మ్యూజిక్తో వస్తోన్న ఈ చిత్రాన్ని దర్శకుడు అరుణ్ మాతేశ్వరణ్ తెరకెక్కిస్తున్నాడు. ఈయన ధనుష్ గత చిత్రం కెప్టెన్ మిల్లర్ ని డైరెక్ట్ చేశాడు.
ఇళయరాజా బయోపిక్ (Ilaiyaraaja Biopic)ని పీకే ప్రైమ్ ప్రొడక్షన్ వారు అలాగే మెర్క్యూరీ మూవీస్ వారు సంయుక్తంగా నిర్మిస్తున్నాయి.
Honoured @ilaiyaraaja sir 🙏🙏🙏 pic.twitter.com/UvMnWRuh9X
— Dhanush (@dhanushkraja) March 20, 2024
