హైదరాబాద్, వెలుగు: ఐదుగురు కలెక్టర్లతో ధరణి కమిటీ బుధవారం సమావేశం కానుంది. ఉదయం 10.30 గంటలకు సెక్రటేరియెట్లో ధరణి కమిటీ కన్వీనర్, సీసీఎల్ఏ నవీన్ మిట్టల్అధ్యక్షతన నిజామాబాద్, సిద్దిపేట, వరంగల్, ఖమ్మం, రంగారెడ్డి జిల్లాల కలెక్టర్లు సమావేశం కానున్నారు. ఈ భేటీలో ధరణిలో ఉన్న సమస్యలపై చర్చించనున్నారు. చెక్లిస్ట్, ఎలాంటి విధానం ఫాలో చేయాలి ? ఎమ్మార్వో, ఆర్డీవో ఎంక్వైరీ రిపోర్టులు, లీగల్ ఫ్రేమ్ వర్క్, నిజామాబాద్లో చేపట్టిన భూభారతి స్టేటస్ రికార్డు, ధరణిలో సమస్యలకు పరిష్కారం చూపించాల్సిన అంశాలపై ఈ కమిటీ కలెక్టర్ల నుంచి సలహాలు, సూచనలు తీసుకోనుంది.
టెర్రాసిస్ కంపెనీ వస్తలే
ధరణి పోర్టల్‌ నిర్వహణ చూస్తున్న టెర్రాసిస్ ప్రైవేట్‌ కంపెనీ ధరణిపై ఏర్పాటైన కమిటీకి సహకరించట్లేదు. సమస్యలపై స్టడీకి పిలిచినా కంపెనీ స్పందించలేదని తెలిసింది. ఇప్పటివరకు మూడుసార్లు సమావేశమై కమిటీ వివిధ అంశాలపై చర్చించింది. అయితే కంపెనీ ప్రతినిధులను కమిటీ పిలిచింది. కానీ ఆ కంపెనీ స్పందించట్లేదు. మూడుసార్లు సమాచారం ఇచ్చినా రెస్పాండ్ అవ్వలేదు.
