చెన్నై: కరోనా బారిన పడిన ఓ రైతును కాపాడుకునేందుకు ఆయన కుటుంబం రూ. 8 కోట్లు ఖర్చు చేసినా ప్రాణాలు దక్కలేదు. మధ్యప్రదేశ్ మౌగంజ్ లోని రక్రికి చెందిన రైతు ధర్మజయ్ సింగ్ (50) నిరుడు కరోనా బారిన పడ్డారు. కుటుంబ సభ్యులు చెన్నైలోని అపోలో ఆస్పత్రిలో చేర్పించారు. ఊపిరితిత్తుల సమస్యతో పరిస్థితి సీరియస్ కావడంతో ఐసీయూలో ఉంచి డాక్టర్లు ట్రీట్మెంట్ చేశారు. లండన్ నుంచి, ఇతర దేశాల నుంచి ప్రముఖ డాక్టర్లను పిలిపించి చికిత్స చేయించినా బాగుకాలేదు. రోజుకు 3 లక్షల చొప్పున ఖర్చు చేస్తూ 8 నెలలకు పైగా ట్రీట్మెంట్ అందించారు. ఈ క్రమంలో ఊపిరితిత్తుల్లో ఇన్ఫెక్షన్ పెరగడంతో సింగ్ మంగళవారం చనిపోయారని డాక్టర్లు తెలిపారు.
