ఆర్మూర్, వెలుగు: అనేక సంక్షేమ పథకాలతో ప్రజల మన్ననలు పొందిన నరేంద్ర మోదీ మూడోసారి ప్రధాని కావడం ఖాయమని నిజామాబాద్ ఎంపీ ధర్మపురి అర్వింద్ ధీమా వ్యక్తం చేశారు. ఆర్మూర్లోని బీజేపీ క్యాంప్ ఆఫీస్ లో సోమవారం కొమరంభీం క్లస్టర్ విజయ సంకల్ప యాత్ర సన్నాహక సమావేశం నిర్వహించారు. ముఖ్య అతిథిగా హాజరైన ఎంపీ అర్వింద్ మాట్లాడుతూ.. ఆర్మూర్ నియోజకవర్గానికి ప్రత్యేకత ఉందని, ఇక్కడ ఏ పార్టీ గెలుస్తుందో, వచ్చేసారి ఆ పార్టీ రాష్ట్రంలో అధికారంలోకి వస్తోందన్నారు.
గత పార్లమెంట్ఎన్నికల్లోనూ ఆర్మూర్ఓటర్లు తనకు అత్యధిక మెజార్టీ ఇచ్చారని గుర్తు చేసుకున్నారు. గత పార్లమెంట్ ఎలక్షన్ లో ఇచ్చిన ప్రతి వాగ్దానాన్ని నిలబెట్టుకున్నానని, పసుపు బోర్డు తీసుకురావడమే కాకుండా, రూ.20 వేల ధర అందేలా చేయడమే తన లక్ష్యమన్నారు. ఈ సారి కూడా భారీ మెజార్టీతో విజయం సాధిస్తానని ధీమా వ్యక్తం చేశారు.
కార్యక్రమంలో బీజేపీ జిల్లా అధ్యక్షుడు దినేశ్కులాచారి, పార్లమెంట్ ప్రభారి వెంకటరమణి, ఆర్మూర్ ప్రభారి నందకుమార్, మున్సిపల్ మాజీ చైర్మన్ కంచెట్టి గంగాధర్, పుప్పాల శివరాజ్, జీవీ నర్సింహారెడ్డి, యామాద్రి భాస్కర్, మారంపల్లి గంగాధర్, పాలెపు రాజు, అమ్దాపూర్ రాజేశ్వర్ పాల్గొన్నారు.
