నవాబుపేట,వెలుగు: బీఆర్ఎస్ నాయకుల కబ్జాలకు నిరసనగా గురువారం స్థానిక అంబేద్కర్ చౌరస్తాలో బాధిత రైతులు ధర్నాకు చేశారు. ఈ సందర్భంగా బాధిత రైతులు మాట్లాడుతూ మండల కేంద్రంలో పదేండ్లుగా బీఆర్ఎస్ నాయకులు భూ కబ్జాలకు పాల్పడ్డారని, అధికారం కోల్పోయినా కబ్జాలు ఆగడం లేదన్నారు. రెండు రోజుల కింద బీఆర్ఎస్ నాయకులు రౌడీల్లా వ్యవహరిస్తూ పొలాల్లోకి వచ్చి దౌర్జన్యానికి పాల్పడగా, ఎదురుదాడికి దిగామని తెలిపారు. .
కబ్జాలకు పాల్పడే వారిపై ప్రభుత్వం చట్టరీత్యా చర్యలు తీసుకోవాలని రైతులు మరికంటి వెంకటయ్య, స్వామి, పుట్టి శ్రీనివాసులు, శ్రీశైలం, మహిళా రైతులు డిమాండ్ చేశారు. ధర్నాకు మండల కాంగ్రెస్ నాయకులు కొల్లి నర్సింలు,కోట్ల రాజేశ్, బంక వెంకటయ్య, ఆనంద్, సత్యం, పెంటయ్య, ఆంజనేయులు, రాము, కుమార్ సంఘీభావం తెలిపారు.
