కామారెడ్డి టౌన్, వెలుగు: డ్వాక్రా సంఘాల మహిళలు చెల్లించిన పైసలను బ్యాంక్లో జమ చేయకుండా సొంతానికి వాడుకున్న వ్యక్తులపై చర్యలు తీసుకోవాలని కోరుతూ మంగళవారం కలెక్టరేట్ ఎదుట తాడ్వాయి మండలం నందివాడ మహిళలు ధర్నా చేశారు. ఈ సందర్భంగా వారు రూ. 36 లక్షల వరకు బ్యాంక్లో జమ చేయకుండా దుర్వినియోగం చేశారని ఆరోపించారు. ఇటీవల గ్రామంలో జరిగిన గ్రామసభలో ఆఫీసర్ల ముందు ఇది బయట పడిందని తెలిపారు.
పైసలు దుర్వినియోగంచేసిన వీవోఏ బాబాగౌడ్, సీసీ సాయిబాబాలపై చర్యలు తీసుకోవాలని కోరారు. వారి నుంచి అమౌంట్ రివకరీ చేయాలని డిమాండ్ చేశారు. అనంతరం కలెక్టర్ను కలిసి వినతి పత్రం అందించారు. ఎంక్వైరీ చేస్తామని ఆఫీసర్లు తెలిపారు.
