కరీంనగర్ టౌన్, వెలుగు: పెండింగ్ లో ఉన్న రూ.5300 కోట్ల ఫీజు రీయింబర్స్‌‌మెంట్బకాయిలను వెంటనే విడుదల చేయాలని, విద్యారంగ సమస్యల్ని పరిష్కరించాలని ఏబీవీపీ స్టేట్ వర్కింగ్ కమిటీ మెంబర్ మల్యాల రాకేశ్ ప్రభుత్వాన్ని డిమాండ్ చేశారు. మంగళవారం ఏబీవీపీ ఆధ్వర్యంలో విద్యార్థులు కరీంనగర్ కలెక్టరేట్ ఎదుట ధర్నా నిర్వహించారు. ఈ సందర్భంగా ఆయన మాట్లాడుతూ ఎస్సీ, ఎస్టీ, బీసీ, మైనారిటీ సంక్షేమ హాస్టళ్లలో మౌలిక వసతులు కల్పించాలన్నారు. తెలంగాణ ఏర్పడి 9 ఏండ్లు పూర్తయినా విద్యారంగాన్ని బాగు చేయలేదని ఆరోపించారు. స్కూల్స్థాయి నుంచి యూనివర్సిటీ వరకు ప్రభుత్వ విద్యను నిర్వీర్యం చేస్తున్నారని ఆరోపించారు. ఖాళీగా ఉన్న 15వేల టీచర్పోస్టులను భర్తీచేయాలని డిమాండ్చేశారు. కార్యక్రమంలో ఏబీవీపీ లీడర్లు విష్ణు, నందు, వేణు, నితీశ్‌, శ్రీవర్ధన్ పాల్గొన్నారు.
జగిత్యాలలో..
జగిత్యాల టౌన్ : విద్యారంగంలో సమస్యలపై జగిత్యాలలో కలెక్టరేట్ఎదుట ఏబీవీపీ ఆధ్వర్యంలో ధర్నా నిర్వహించారు. రాష్ట్ర కార్యవర్గ సభ్యుడు రాపాక సాయికుమార్ మాట్లాడుతూ ఫీజు రీయంబర్స్‌‌మెంట్ఫండ్స్ రిలీజ్ చేయకపోవడంతో విద్యార్థులు ఇబ్బందులు పడుతున్నారని ఆరోపించారు. కార్యక్రమంలో జిల్లా విస్తరక్ నవీన్, రాష్ట్ర కార్యవర్గ సభ్యుడు కార్తీక్, సునీల్, రాజు, నందు, శ్రీనివాస్ పాల్గొన్నారు.
