భారత మాజీ కెప్టెన్ మహేంద్ర సింగ్ ధోనీ దాఖలు చేసిన పరువు నష్టం కేసులో మద్రాస్ హైకోర్టు సంచలన తీర్పు వెల్లడించింది. న్యాయస్థానాలపై అనుచిత వ్యాఖ్యలు చేయడమే కాకుండా, కోర్టు ధిక్కరణకు పాల్పడ్డారని ఓ ఐపీఎస్ అధికారికి 15 రోజుల జైలు శిక్ష విధించింది. అయితే, ఈ తీర్పును సవాల్ చేసుకునేందుకు వీలుగా శిక్ష అమలును నెల రోజుల పాటు వాయిదా వేసింది.
ఏంటి ఈ కేసు..?
2013లో ఐపీఎస్ అధికారి సంపత్ కుమార్ జీ టీవీ ఛానల్ ఇంటర్వ్యూలో మాట్లాడుతూ ఐపీఎల్‌లో ఫిక్సింగ్ జరుగుతోందని ఆరోపించారు. అంతేకాకుండా ఆ ఫిక్సింగ్కు, క్రికెటర్ మహేంద్ర సింగ్ ధోనీకి సంబంధం ఉన్నట్లు అనుచిత వ్యాఖ్యలు చేశారు. ఈ ఆరోపణలపై ఆగ్రహం వ్యక్తం చేసిన ధోనీ, తన ప్రతిష్టకు భంగం కలిగించినందుకుగానూ సంబంధిత టీవీ ఛానల్తో పాటు అధికారి సంపత్పై 2014లో పరువు నష్టం దావా వేశారు. తనకు పరిహారంగా రూ.100 కోట్లు చెల్లించాలని డిమాండ్ చేయడంతో పాటు తనపై పరువు నష్టం కలిగించే ప్రకటనలు జారీ చేయకుండా లేదా ప్రచురించకుండా నిరోధించాలని కోరాడు.
ధోని పిటిషన్ను విచారణకు స్వీకరించిన హైకోర్టు మధ్యంతర నిషేధాన్ని మంజూరు చేసింది. ధోనీపై పరువు నష్టం కలిగించే ప్రకటనలు చేయకుండా జీ, సంపత్ కుమార్ మరియు ఇతరులపై నిషేధం విధించింది. అలాగే, పలు ప్రశ్నలకు సమాధానాలు చెప్పాలంటూ జీ టీవీ యాజమాన్యానికి, సంపత్ కుమార్ కు నోటీసులు జారీ చేసింది. ఈ కేసులో ఐపీఎస్ అధికారి సంపత్ కుమార్ ఇచ్చిన వివరణపై సంతృప్తి చెందని ధోనీ మరోసారి కోర్టు మెట్లెక్కారు. ఐపీఎస్ అధికారి సంపత్ కుమార్ తన పరువుకు మరింత నష్టం కలిగించే ప్రకటనలు చేశాడని పేర్కొంటూ మరో పిటిషన్ దాఖలు చేశాడు. కోర్టు ధిక్కరణ కింద వెంటనే సంపత్పై చర్యలు తీసుకోవాలని మద్రాస్ హైకోర్టును ధోనీ కోరారు.
శుక్రవారం ఈ పిటిషన్ విచారణకు రాగా ఎస్ఎస్ సుందర్ మరియు సుందర్ మోహన్ ల బెంచ్ ఐపీఎస్ అధికారి సంపత్‌కు 15 రోజుల సాధారణ జైలు శిక్ష విధించింది. అయితే ఈ తీర్పును సవాల్చేసుకునేందుకు వీలుగా శిక్ష అమలును హైకోర్టు నెల రోజులు పాటు వాయిదా వేసింది.
Madras HC sentenced IPS officer Sampath Kumar to 15 days imprisonment in the contempt of court petition filed by Dhoni as the statements claimed he was involved in betting & fixing in 2013. [Bar & Bench]
— Johns. (@CricCrazyJohns) December 15, 2023
Bench of Justices SS Sundar & Sunder Mohan suspended the sentence for 30… pic.twitter.com/2kp6R8Azqs
