ఒక ఇంటికి అంటుకున్న నిప్పు మిగతా ఇళ్లకు అంటుకున్నట్లే ఇన్సులిన్ సమస్య శరీరంలోని ఇతర వ్యవస్థలపైనా చెడు ప్రభావం చూపుతది. డయాబెటిస్ రోగిలో ముందు కిడ్నీలపై ఈ ప్రభావం పడుతది. డయాబెటిస్ రోగి రక్తంలో షుగర్ అధికంగా ఉంటుంది. ఈ రక్తాన్ని ఫిల్టర్ చేసే గ్లోమరులస్ మీద భారం పడుతది.. కొంత కాలానికి అవి ఫెయిలవుతయి. కిడ్నీ ఫెయిల్యూర్ తో ఇంకొన్ని సమస్యలొస్తయి.. కిడ్నీ పనితీరు తగ్గితే కాళ్లు, ముఖం, పొట్టలో వాపులొస్తయి.
మధుమేహం వల్ల వచ్చే సమస్యలు
- బ్లడ్ తయారీని ప్రేరేపించే హార్మోన్ కిడ్నీలో తయారవుతది. కిడ్నీలు ఫెయిలవడం మొదలైనప్పటి నుంచి రక్తహీనత (ఎనీమియా) ఉంటది.
- రక్తహీనత వల్ల శరీరంలో వాపులు (ఎడిమా) వస్తయి.
- రక్తనాళాలలో ఒత్తిడిని కలిగిస్తూ రక్త సరఫరాకు దోహదపడే 'ఆంజియోటెన్సిన్' కిడ్నీలలో తయారవుతది. ఇది తగ్గితే రక్తనాణాల్లో ఒత్తిడిపై నియంత్రణ పోతది. రక్తనాణాలు సంకోచిస్తయి.
- రక్త హీనత, రక్తనాణాల్లో ఒత్తిడిపై నియంత్రణ తగ్గి, బీపీ పెరుగుతది.
- రక్తహీనత, కిడ్నీ ఫెయిల్యూర్ వల్ల జీర్ణరసాల తయారీ తగ్గుతది. ఆహారం సరిగా జీర్ణం కాదు.
- మూత్రం ద్వారా పోవాల్సిన మాలిన్యాలు రక్తంలో పెరుగుతాయి. వీటివల్ల తలనొప్పి. డయాబెటిక్ రెటినోపతి వస్తది.
- బ్లడ్ లో యూరియా పెరిగితే.. వాంతులు. తలనొప్పి, ఫిట్స్, బ్రెయిన్ కు సంబంధించిన సమస్యలు వస్తయి.
- రక్తంలో నీటి శాతం (కీటోసిస్), యూరియా పెరుగుతయి.
- సోడియం పెరుగుదల వల్ల బీపీ (హైపర్ నాట్రేమియా) పెరుగుతది.
- కొన్నాళ్లకు కిడ్నీలు పూర్తిగా ఫెయిలవుతయి.
P3 ప్రాబ్లమ్స్
- షుగరు వచ్చిందంటే మూడు సమస్యలొస్తయి.. వీటిని పీ 3 ప్రాబ్లమ్స్' అంటరు.
- పాలీ యూరియా: మూత్రం ఎక్కువసార్లు రావడం
- పాలీడిప్పియా అతిగా దప్పిక కావడం
- పాలి ఫేజియా: ఆకలి ఎక్కువ అయితది. తిన్నా ఇంకా తినాలనిపిస్తది.
- కొంతమందిలో ఈ మూడు లక్షణాలు ఉంటాయి.
- ఉండకపోవచ్చు. కొన్నే ఉండొచ్చు కూడా.. ఏది ఏమైనా షుగర్ వచ్చిందంటే.. రెగ్యులర్ చెకప్... రోజూ మందులు వాడటం.. డైట్ కంట్రోల్ కంపల్సరీ. వీటన్నింటితో పాటు వ్యాయామం కూడా చేయాలి.
–వెలుగు, లైఫ్–
