కొత్తగూడ, వెలుగు : గొంతులో మటన్బోన్ఇరుక్కొని జనశక్తి మాజీ నక్సలైట్చనిపోయాడు. కుటుంబసభ్యుల కథనం ప్రకారం..మహబూబాబాద్ జిల్లా కొత్తగూడ మండలం కోనాపురం గ్రామానికి చెందిన కుంజ ముత్తయ్య(58) గతంలో జనశక్తి నక్సలైట్గా పనిచేశాడు. కొన్నేండ్ల క్రితం లొంగిపోయి గ్రామంలో వ్యవసాయం చేస్తూ కుటుంబాన్ని పోషించుకుంటున్నాడు. గ్రామాల్లో జరిగే ఫంక్షన్లలో కొడుకుతో కలిసి వంటలు చేస్తుంటాడు. గురువారం ముత్తయ్య భార్య సమ్మక్క ఫంక్షన్ కోసం బంధువుల ఇంటికి వెళ్లింది.
ముత్తయ్య కొడుకు నరేశ్గ్రామంలో జరిగిన ఓ ఫంక్షన్లో వంట చేసి, వచ్చేటప్పుడు మటన్ తెచ్చాడు. రాత్రి తండ్రీకొడుకులిద్దరూ కలిసి భోజనం చేస్తుండగా, ముత్తయ్య గొంతులో ఎముక ఇరుక్కుంది. ఊపిరి ఆడకపోవడంతో కొద్దిసేపు విలవిల్లాడాడు. కొడుకు నీళ్లు తాగించే ప్రయత్నం చేసేలోగానే కూర్చున్న మంచంలోనే ప్రాణాలు విడిచాడు. మృతుడికి ఇద్దరు కొడుకులు, కూతురు ఉన్నారు.
