నేడు తెలుగు ఫిల్మ్ ఛాంబర్ అధ్యక్షుడి ఎన్నిక జరగనుంది. దిల్ రాజు పదవీకాలం ముగియడంతో ఫిల్మ్ ఛాంబర్ ఎన్నికలు జరగనున్నాయి. ఫిల్మ్ ఛాంబర్ అధ్యక్ష పదవికి ఠాగూర్ మధు, భరత్ భూషణ్ పోటీ చేస్తున్నారు. డిస్ట్రిబ్యూటర్ సెక్టార్ నుంచి అధ్యక్షుడిని సభ్యులు ఎన్నుకోనున్నారు. ఉపాధ్యక్ష పదవికి అశోక్ కుమార్, వైవీఎస్ చౌదరి పోటీ చేస్తున్నారు.
కాగా ఉదయం 11 గంటలకు తెలుగు ఫిల్మ్ ఛాంబర్ ఎన్నికల పోలింగ్ మొదలవనున్నట్లు పోలింగ్ అధికారులు వెల్లడించారు. కాగా ఈ ఎన్నికల్లో అధ్యక్ష, ఉపాధ్యక్షుడిని 48 మంది సభ్యులు ఎన్నుకోనున్నారు. ప్రొడ్యూసర్స్ , ఎగ్జిబిటర్స్ , డిస్ట్రిబ్యూటర్స్ , స్టూడియో సెక్టార్ లోని సభ్యులు ఓటు హక్కు వినియోగించుకోనున్నారు. 25 ఓట్ల మెజార్టీ ఎవరికి వస్తే వారే తెలుగు ఫిల్మ్ ఛాంబర్ అధ్యక్షుడుగా ఎన్నికవుతారు. రెండేళ్లకోసారి తెలుగు ఫిల్మ్ ఛాంబర్ ఎన్నికలు జరగుతాయి.
