భారత మాజీ వికెట్ కీపర్/ బ్యాటర్ దినేష్ కార్తీక్ కొత్త ప్రయాణం మొదలు పెట్టాడు. ఈ ఏడాది ముగిసిన ఐపీఎల్‌తో క్యాష్ రిచ్ లీగ్‌కు రిటైర్మెంట్ ప్రకటించిన ఈ వికెట్ కీపర్.. అబుదాబి టీ10 లీగ్‌లో అరంగ్రేటం చేశాడు. రాబోయే ఎడిషన్‌లో డీకే బంగ్లా టైగర్స్ తరపున ఆడనున్నాడు. కార్తీక్‌తో పాటు రషీద్ ఖాన్, జోస్ బట్లర్ ఈ టోర్నీలో ఆడేందుకు ఒప్పందం కుదుర్చుకున్నారు.
టైటిల్ రేసులో 10 జట్లు
మొత్తం పది జట్లు తలపడే ఈ టోర్నీ 2024, నవంబర్ 21న ప్రారంభమై డిసెంబర్ 2న ముగియనుంది. మ్యాచ్‌లన్నీ అబుదాబిలోని జాయెద్ క్రికెట్ స్టేడియం వేదికగా జరుగుతాయి. ఐపీఎల్‌లో ఆడే విదేశీ క్రికెటర్లందరూ ఈ టోర్నీలో కనిపించనున్నారు.
ALSO READ | IND Vs NZ: బెంగుళూరులో ఎడతెరిపిలేని వర్షం.. తొలి రోజు ఆట రద్దు
టోర్నీలో పాల్గొనే 10 జట్లు ఇవే..
- న్యూయార్క్ స్ట్రైకర్స్
- డెక్కన్ గ్లాడియేటర్స్
- ఢిల్లీ బుల్స్
- టీమ్ అబుదాబి
- నార్తర్న్ వారియర్స్
- మోరిస్‌విల్లే సాంప్ ఆర్మీ
- బంగ్లా టైగర్స్
- చెన్నై బ్రేవ్ జాగ్వార్స్
- యూపీ నవాబ్స్ (కొత్త ఫ్రాంచైజీ)
- బోల్ట్స్ అజ్మాన్
