టాలీవుడ్ ప్రముఖ డైరెక్టర్ బాబీ కొల్లి ప్రస్తుతం స్టార్ హీరో నందమూరి బాలకృష్ణ హీరోగా నటిస్తున్న "డాకు మహారాజ్" సినిమాకి దర్శకత్వం వహిస్తున్నాడు. ఈ సినిమా ప్రమోషన్స్ లో భాగంగా బాలకృష్ణపై ఆసక్తికర వ్యాఖ్యలు చేశాడు. ఈ క్రమంలో తాను గతంలో మెగాస్టార్ చిరంజీవితో వాల్తేర్ వీరయ్య సినిమా చేశానని గ్రేట్ ఎక్స్పీరియన్స్ అన్నారు. అలాగే చిరంజీవి స్టోరీలోని ప్రతీ విషయాన్ని కచ్చితంగా అడిగి తెలుసుకుంటారని కానీ బాలకృష్ణ మాత్రం కథలో అస్సలు ఇన్వాల్వ్ అవ్వరని తెలిపాడు.
అలాగే బాలకృష్ణ కేవలం డైరెక్టర్ ని నమ్మి ఏం చెబితే అదే చేస్తాడని అన్నాడు. గతంలో బాలకృష్ణ "డైరెక్టర్ అనేవాడు నాకు తండ్రిలాంటివాడు, అతడు ఏం చెబితే అదే చేస్తానని" చెప్పిన మాటలను గుర్తు చేసుకున్నాడు డైరెక్టర్ బాబీ కొల్లి. ఇక బాలకృష్ణతో డాకు మహారాజ్ తన తోలి సినిమా అని దీంతో కచ్చితంగా బ్లాక్ బస్టర్ హిట్ ఇచ్చేందుకు కృషి చేస్తున్నానని తెలిపాడు. అలాగే ఫ్యాన్స్ కూడా బాలయ్య సినిమా అంటే చాలా ఎక్స్ పెక్టేషన్స్ తో ఉంటారని వారి అంచనాలని అందుకోవడానికి సాలిడ్ స్టోరీతో వస్తున్నట్లు చెప్పుకొచ్చాడు.
ఈ విషయం ఇలా ఉండగా డాకు మహారాజ్ సినిమా టీజర్ ఇటీవలే రిలీజ్ కాగా హ్యూజ్ రెస్పాన్స్ వచ్చింది. ఈ సినిమాలో బాలీవుడ్ స్టార్ హీరో బాబీ డియోల్ విలన్ గా నటిస్తున్నాడు. ప్రముఖ హీరోయిన్లు ప్రగ్యా జైస్వాల్, చాందినీ చౌదరి, శ్రద్దా శ్రీనాథ్ తదితరులు ప్రధాన తారాగణంగా నటిస్తున్నారు. ఇక ఈ సినిమాని ప్రముఖ సినీ నిర్మాత నాగవంశీ సితార ఎంటర్టైన్మెంట్స్ బ్యానర్ పై నిర్మిస్తున్నాడు. వచ్చే ఏడాది సంక్రాంతి కానుకగా డాకు మహారాజ్ సినిమా ని రిలీజ్ చేసేందుకు చిత్ర యూనిట్ ప్లాన్ చేస్తున్నారు.
