సత్యదేవ్, డాలీ ధనంజయ లీడ్ రోల్స్‌‌లో డైరెక్టర్ ఈశ్వర్ కార్తీక్ రూపొందించిన చిత్రం ‘జీబ్రా’. ఎస్‌‌ఎన్ రెడ్డి, ఎస్ పద్మజ, బాల సుందరం, దినేష్ సుందరం నిర్మించారు. నవంబర్ 22న సినిమా రిలీజ్. ఈ సందర్భంగా దర్శకుడు ఈశ్వర్ కార్తీక్ మాట్లాడుతూ ‘ఇదొక మాస్ డ్రామా. ఫైనాన్సియల్ క్రైమ్ చుట్టూ తిరుగుతుంది. బ్యాంకింగ్ వరల్డ్‌‌లో జరిగిన కొన్ని మిస్టేక్స్ ఆధారంగా కథ రాశాను. డిజిటల్ క్రైమ్‌‌ని కొత్త వరల్డ్‌‌లో చూపించాం. మాస్ ఎలిమెంట్స్, బ్యాంకింగ్ జానర్, మనీ లాండరింగ్, కామెడీ, లవ్, ఫ్రెండ్‌‌షిప్, యాక్షన్ ఇవన్నీ బాగా బ్లెండ్ అయ్యాయి.
స్క్రీన్‌‌ప్లే ఇంటెలిజెంట్‌‌గా ఉంటుంది. కానీ రైటింగ్ సింపుల్‌‌గా ప్రతి ఒక్కరికీ కనెక్ట్ అవుతుంది. ఈ కథకు, పాత్రలకు గుడ్ పెర్ఫామర్స్ కావాలి. ఇందులో అందరికీ డిఫరెంట్ క్యారెక్టరైజేషన్స్ ఉన్నాయి. సత్య, ధన పర్ఫెక్ట్ యాప్ట్. చాలా బాగా పెర్ఫార్మ్ చేశారు. ప్రియా భవానీ శంకర్, సునీల్, సత్యరాజ్ పాత్రలు కథలో కీలకంగా ఉంటాయి. ఇందులో ఏడు పాటలు ఉన్నాయి. రవి బస్రూర్ డిఫరెంట్ లేయర్స్ ఆఫ్ మ్యూజిక్ అందించారు. నిర్మాతలు చాలా ప్యాషనేట్‌‌గా దీన్ని నిర్మించారు’ అని చెప్పాడు.
