2024 ఐఫా వేడుకలు సెప్టెంబర్లో (International Indian Film Academy Awards) అబుదాబిలో అట్టహాసంగా జరిగాయి. టాలీవుడ్ తో పాటు ఇతర సినీ ఇండస్ట్రీ నుంచి పలువురు స్టార్స్ ఈ వేడుకకు హాజరై సందడి చేశారు.
ఈ ఐఫా వేడుకల్లో షారుక్ ఖాన్తో పాటు కరణ్ జోహార్, రానా, తేజ సజ్జా, సిద్దాంత్ చతుర్వేది, అభిషేక్ బెనర్జీ లాంటి వాళ్లు హోస్ట్ చేశారు. అయితే, రానా, తేజ జోడిగా హోస్ట్ చేస్తూ తమదైన శైలిలో కొంతమంది హీరోల సినిమాలపై ఫన్నీ కామెంట్స్ చేశారు. ఈ క్రమంలో ఓ సినిమాను ఉద్దేశించి సరదాగా ట్రోల్ చేసిన రానా.. ఒక్కసారిగా వివాదంలో ఇరుక్కున్నాడు. వివరాల్లోకి వెళితే..
'పుష్ప-2 రిలీజ్ బాగా లేట్ అయింది కాబట్టి.. సినిమా పేరు PushpaTo-Let అంటూ పేరు మార్చారు అని తేజ చదివారు. అదే రిలీజ్ షిఫ్ట్ అవుతోంది కదా.. మళ్లీ ఇంకోసారి షిఫ్ట్ అయితే.. జనాలకు కూడా అలవాటు చేద్దామని అలా రాసారు అని రానా చెప్పడంతో సెలబ్రేటిస్ అందరు నవ్వుకున్నారు. అలాగే ఆదిపురుష్ సినిమాకు ప్రతి సీట్ ఆడియన్స్ కి వదిలేసారు కదా.. ఆంజనేయ స్వామి కూడా ఓటీటీలో చూద్దామని వదిలేశాడు అంటూ తేజ చెప్పడంతో నవ్వుకున్నారు.
ఈ క్రమంలో "బచ్చన్ గారు ఈ ఏడాది హైయెస్ట్ హై.. లోయెస్ట్లో చూశారు" అని రానా అనగా.. పక్కనే ఉన్న సజ్జా ‘‘హైయెస్ట్ హై కల్కి.. మరి లోయెస్ట్లో ఏంటి?’’ అని ప్రశ్నించాడు. దాంతో రానా మరింత వెటకారంగా "అదే మొన్న రిలీజైంది కదా.. మిస్టర్....?" అంటూ సాగదీశాడు. దాంతో సజ్జా చెప్పొద్దంటూ ఆపాడు. ఇక ఈ వీడియోను నెటిజన్లు సోషల్ మీడియాలో వైరల్ చేయడంతో మిస్టర్ బచ్చన్ డైరెక్టర్ హరీశ్ శంకర్ వరకూ చేరింది.
#IIFAUtsavam2024 #tejasajja & #RanaDaggubati Roast 🤣🤣#Pushpa2TheRule #MrBachchan #Adipurush pic.twitter.com/34XmKDB6pv
— CINE EXPLORERS (@CINE_EXPLORERS) November 5, 2024
ఈ వీడియోను ఓ అభిమాని డైరెక్టర్ హరీష్ శంకర్ (Harish Shankar)కు ట్యాగ్ చేస్తూ.."మీరు రవితేజ అన్నతో మళ్లీ సినిమా తీయాలి. మేము కాలర్ ఎగురవేయాలన్నా.. మీ రిప్లై కావాలి" అంటూ రాసుకొచ్చాడు. దాంతో హరీశ్ శంకర్ కూడా ట్విట్టర్ X లో తనదైన శైలిలో స్పందించాడు. "ఎన్నో … విన్నాను తమ్ముడు … అందులో ఇదోటి … అన్ని రోజూలు ఒకేలా ఉండవు.. నాకైనా… ఎవరికైనా" అంటూ హరీశ్ శంకర్ కాస్త ఘాటుగానే రియాక్ట్ అయ్యాడు.
ఎన్నో … విన్నాను తమ్ముడు …
— Harish Shankar .S (@harish2you) November 5, 2024
అందులో ఇదోటి …..
అన్ని రోజూలు ఒకేలా ఉండవు
నాకైనా ….ఎవరికైనా …… https://t.co/nqXKbaYf4V
ఏదేమైనా రానా సరదా సంభాషణలు ఇపుడు వివాదానికి దారితీసేలా ఉన్నాయి. ఇదే వేడుకపై సమంత ఒకప్పుడు మరదలు.. ఇప్పుడు చెల్లెలు అయిందంటూ ఫన్నీ కామెంట్స్ చేయగా.. ఆ వీడియో క్లిప్ కూడా వైరల్ అవుతోంది. సాధారణంగా వివాదాలను దూరంగా ఉండే రానా ఇలా సడెన్ గా కాంట్రవర్సీ కావడం దగ్గుబాటి ఫ్యాన్స్ లో నిరాశ కలుగుతోంది.
మిస్టర్ బచ్చన్ మూవీకి రూ.31 కోట్ల వ‌ర‌కు ప్రీ రిలీజ్ బిజినెస్ జరిగింది. రూ.32 కోట్ల బ్రేక్ ఈవెన్ టార్గెట్‌తో థియేటర్లలో రిలీజైన ఈ మూవీ ఫ‌స్ట్ వీక్ కంప్లీట్ అయ్యేలోపు రూ.8కోట్ల వ‌ర‌కు మాత్ర‌మే క‌లెక్ష‌న్స్ సాధించింది. దీంతో ఈ చిత్ర నిర్మాత‌ల‌కు రూ.25 కోట్ల వ‌ర‌కు న‌ష్టాల‌ను మిగిల్చిందిని ట్రేడ్ వర్గాల అంచనా!
