గత ఏడాది తమిళ్ సూపర్ స్టార్ రజినీకాంత్ మరియు ప్రముఖ దర్శకుడు నెల్సన్ దిలీప్ కుమార్ కాంబినేషన్ లో వచ్చిన జైలర్ చిత్రం బ్లాక్ బస్టర్ హిట్ అయ్యింది. అయితే తండ్రీ కొడుకుల సెంటిమెంట్ బ్యాక్ డ్రాప్ లో తెరకెక్కిన ఈ యాక్షన్ చిత్రం బాక్సాఫిస్ వద్ద రూ.650 కోట్లు(గ్రాస్) కలెక్ట్ చేసింది.
ఇక ఈ చిత్రంలో రజినీకాంత్ యాక్టింగ్ తో పాటూ కామియో అప్పియరెన్స్ పాత్రల్లో నటించిన శివ రాజ్ కుమార్ (కన్నడ), మోహన్ లాల్(మలయాళం), టైగర్ ష్రాఫ్ (హిందీ) తదితర పాత్రలు కూడా బాగానే మెప్పించాయి. దీంతో ఈ చిత్ర సీక్వెల్ పై ఆసక్తి నెలకొంది.
తాజాగా డైరెక్టర్ నెల్సన్ దిలీప్ కుమార్ జైలర్ చిత్ర సీక్వెల్ పై స్పందించాడు. ఇందులో భాగంగా ప్రస్తుతం తాను మరియు తన టీమ్ జైలర్ 2 ప్రీ ప్రొడక్షన్ పనులు పూర్తీ చేసే పనిలో ఉన్నట్లు తెలిపాడు. దీంతో రజనీకాంత్ అభిమానులు పండగ చేసుకుంటున్నారు.
జైలర్ 2 చిత్రంలో ఊహించని ట్విస్టులు, డైలాగులు వేరే లెవెల్ లో చిత్ర యూనిట్ ప్లాన్ చేస్తున్నారు. కాగా 2025 నాటికి రజినీకాంత్ సినిమా ఇండస్ట్రీలోకి అడుగుపెట్టి 50 సంవత్సరాలు పూర్తీ కావస్తుండటంతో వచ్చే ఏడాది జైలర్ 2 ని విడుదల చేయనున్నట్లు సమాచారం.
ఈ విషయం ఇలా ఉండగా ప్రస్తుతం రజినికాంత్ తమిళ్ లో వెట్టాయాన్ అనే చిత్రంలో హీరోగా నటిస్తున్నాడు. కాగా ఈ చిత్రం అక్టోబర్ 10వ తారీఖున విడుదల కాబోతోంది.
