హనుమాన్ సినిమాతో నేషనల్ వైడ్ ఫేమ్ సంపాదించుకున్నాడు టాలీవుడ్ దర్శకుడు ప్రశాంత్ వర్మ (Prashanth Varma). సూపర్ హీరో కాన్సెప్ట్ తో వచ్చిన ఈ సినిమా బాక్సాఫీస్ దగ్గర భారీ విజయాన్ని సాధించింది. కేవలం రూ.40 కోట్లతో తెరకెక్కిన ఈ సినిమా ఏకంగా రూ.290 కోట్లకు పైగా వసూళ్లు సాధించి సరికొత్త రికార్డ్స్ క్రియేట్ చేసింది. ఈ సినిమాతో ప్రశాంత్ తన పేరుతో ప్రశాంత్ సినిమాటిక్ యూనివర్స్ (PVCU) క్రియేట్ చేసి అందులోనే వరుస సినిమాలు చేసేందుకు సిద్దమైన సంగతి తెలిసిందే.
అందులో భాగంగానే ప్రస్తుతం ఆయన హనుమాన్ సినిమాకు సీక్వెల్గా జై హనుమాన్ తెరకెక్కుస్తున్నారు. ఈసారి మరింత భారీ బడ్జెట్ తో, అద్భుతమైన విజువల్స్ ప్రేక్షకులను మరింత థ్రిల్ చేయడానికి సిద్దమవుతున్నాడు. అలాగే ఈ సినిమాతో పాటు నంద‌మూరి బాల‌కృష్ణ త‌న‌యుడు మోక్షజ్ఞ‌తో కూడా ఒక సినిమా చేయ‌బోతున్నాడు ప్రశాంత్ వర్మ.
అయితే ఈ రెండు సినిమాలు కేవలం అనౌన్స్ మెంట్ లో ఉండగానే.. తన సినిమాటిక్ యూనివర్స్ నుంచి తాజాగా మ‌రో సినిమా అప్డేట్ ఇచ్చాడు. " ఈ నవరాత్రికి శ‌క్తి మాయాజాలాన్ని చూసేందుకు అలాగే వీక్షించడానికి సిద్ధంగా ఉండండి!..ఈ ప్రయాణాన్ని కొనసాగిద్దాం మరియు రాబోయే అప్డేట్స్ కోసం మీరు కూడా నాలాగే ఉత్సాహంగా ఉన్నారని ఆశిస్తున్నాను" అంటూ డైరెక్టర్ ప్రశాంత్‌వర్మ ట్విట్టర్ X లో రాసుకోచ్చాడు.
Also Read : బిగ్బాస్ హౌస్ లోకి గాడిద
This Navratri, get ready to witness and behold the power and magic! 🔥⚜️
— Prasanth Varma (@PrasanthVarma) October 8, 2024
Let’s keep this journey going, and I hope you’re as excited as I am for what’s to come. ❤️🔥@ThePVCU pic.twitter.com/pLU0EOUe8q
కళ్యాణ్ దాసరి హీరోగా తెరకెక్కుతోన్న ‘అధీరా’ గురించి ఈ అప్డేట్ ఉండబోతుందా, లేదంటే ‘జై హనుమాన్’ పైన ఉంటుందా అనేది క్లారిటీ లేదు. బ్యాక్ గ్రౌండ్ మ్యూజిక్ వింటుంటే జై హనుమాన్ అప్డేట్ అని అర్ధమవుతుంది. కాగా 'PVCU3' నుంచి గురువారం అక్టోబర్ 10న ఇందుకు సంబంధించిన అనౌన్స్ వస్తుండటంతో.. సినిమా ఫ్యాన్స్ ఆసక్తిగా ఎదురుచూస్తున్నారు. ఈ సినిమా టైటిల్ ఏంటి? హీరో ఎవరు.. ఇందులో నటించబోయే నటీనటులు ఎవరనేది అక్టోబర్ 10న తెలిసే అవకాశం ఉంది.
