విలక్షణ దర్శకుడు రామ్ గోపాల్ వర్మ(Ram Gopal Varma) ఇండస్ట్రీలోనే ప్రత్యేకమైన పేరు. ఆ పేరు వెనుకాల ఉండే విజన్ చాలా అరుదు. అతను సోషల్ మీడియాలో చేసే పోస్ట్స్ ఎప్పుడు ప్రత్యేకంగా నిలుస్థాయి. వర్మ తీసిన విభిన్న సినిమాల నుంచి ఇప్పుడు తీసే వివాదాస్పద సినిమాల వరకు ఆర్జీవీ అంటే ఇండస్ట్రీకి వర్సటైల్ డైరెక్టర్.
ఇదిలా ఉంటే..తాజాగా రామ్ గోపాల్ వర్మ చేసిన పోస్ట్ సోషల్ మీడియాలో వైరల్ అవుతుంది. ప్రస్తుతం ఆర్జీవీ, చెన్నైలో తమిళ స్టార్ హీరో విజయ్ సేతుపతిని కలిసిన ఫోటో ఇపుడు తెగ వైరల్ అవుతుంది.
అంతేకాదు "స్క్రీన్‌లో విజయ్ సేతుపతిని చాలాసార్లు చూసిన తర్వాత, నేను చివరకు నిజాన్ని కలిశాను. అతను స్క్రీన్‌లో కంటే రియల్‌లో లైఫ్ లోనే బాగున్నాడు" అంటూ పోస్ట్ చేశాడు. ఈ ఫొటోలో వీరిద్దరూ ఏదో అంశంపై సీరియస్ గా చర్చిస్తున్నట్లు అర్థం అవుతోంది. అయితే, ఈ మధ్య వర్మ ఏ స్టార్ హీరోని కలిసిందేలేదు. అలాగని ఆర్జీవీ ఎవరినీ పని లేకుండా కలువడు. అలాంటి వర్మ నేరుగా చెన్నైకి వెళ్లి మరి విజయ్ సేతుపతిని కలిశారంటే..ఈ మీటింగ్ వెనుక ఏదో పెద్ద విషయమే ఉందంటూ సోషల్ మీడియాలో నెటిజన్లు కామెంట్స్ చేస్తున్నారు.
అయితే..విజయ్ సేతుపతితో కలిసిన వర్మ ఏదో డిఫరెంట్ సినిమా ప్లాన్ చేస్తున్నారేమో? అనే సినీ సర్కిల్ లో చర్చ నడుస్తోంది.అలాగే ఇంకొందరూ 'సినిమా అనే ఎందుకు అనుకోవాలి? ఇంకా ఏదైనా స్పెషల్ ఈవెంట్ కోసం కలిసి ఉండవచ్చు కదా? అని కామెంట్స్ చేస్తున్నారు. అలాగే అనుకోకుండా జరిగిన మీటింగ్ కావచ్చని మరికొందరు తమ అభిప్రాయం వ్యక్తం చేస్తున్నారు. త్వరలో వీరిద్దరి మీటింగ్ పై క్లారిటీ వచ్చే అవకాశం ఉంది.
ప్రస్తుతం,విజయ్ సేతుపతి తన లైన్-అప్‌లో మహారాజా, విడుతలై పార్ట్ 2, RC 16 మరియు గాంధీ టాకీస్‌తో సహా మరో మూడు చిత్రాలను లైన్ లో పెట్టాడు.
After seeing him many times on SCREEN, I finally met the REAL @VijaySethuOffl to realise that he is even BETTER in REAL than on SCREEN pic.twitter.com/NW3KOktnlr
— Ram Gopal Varma (@RGVzoomin) May 21, 2024
