శ్రీహరి, వెంకట్ లీడ్ రోల్స్‌‌లో రాజ్ తాళ్లూరి రూపొందిస్తున్న చిత్రం ‘హరుడు’. డాక్టర్ లక్ష్మణరావు డిక్కల, డాక్టర్ ప్రవీణ్ రెడ్డి నిర్మిస్తున్నారు. షూటింగ్ పూర్తిచేసుకుని పోస్ట్ ప్రొడక్షన్ పనులు జరుగుతున్నాయి. తాజాగా ఈ సినిమాలో లీడ్ రోల్ చేస్తున్న శ్రీహరి ఫస్ట్ లుక్ పోస్టర్, గ్లింప్స్‌‌‌‌ను డైరెక్టర్ రామ్ గోపాల్ వర్మ విడుదల చేసి టీమ్‌‌కు ఆల్ ద బెస్ట్ చెప్పారు. ఈ పోస్టర్‌‌‌‌లో శ్రీహరి ఇంటెన్స్ లుక్‌‌లో ఆకట్టుకున్నాడు.
ఈ సందర్భంగా శ్రీహరి మాట్లాడుతూ ‘మా ఫస్ట్ పోస్టర్, టీజర్ ఆర్జీవీ గారు రిలీజ్ చేయడం హ్యాపీ. సినిమా అవుట్‌‌పుట్ బాగా వచ్చింది. అందరికీ నచ్చుతుందనే నమ్మకం ఉంది’ అని చెప్పాడు. హెబ్బా పటేల్, సలోని, అలీ, సుమన్ కీలక పాత్రలు పోషిస్తున్నారు.
