తమిళ దర్శకుడు శంకర్(Shankar)నుండి వస్తున్న లేటెస్ట్ మూవీ ఇండియన్ 2(Indian 2). 1996లో వచ్చిన భారతీయుడు (Bharateeyudu) సినిమాకు సీక్వెల్ గా వస్తున్న ఈ సినిమాపై ప్రేక్షకుల్లో భారీ అంచనాలు ఉన్నాయి. లంచగొండి తనాన్ని ఇక ఉపేక్షించేది లేదు అంటూ వస్తున్న ఈ సినిమా కోసం ఆడియన్స్ కూడా చాలా కాలంగా ఎదురుచూస్తున్నారు.ఇక ఆడియన్స్ ఎదురుచూస్తున్న టైం మరికొన్ని గంటల్లో మీ ముందుకు రానుంది.ప్రపంచవ్యాప్తంగా రేపు (జూలై 12న)రిలీజ్ కానున్న ఈ సినిమా నుండి బిగ్ సర్ప్రైజ్ ఒకటి రాబోతుందని న్యూస్ సోషల్ మీడియాలో వైరల్ అవుతుంది.
అదేంటంటే..కేరళలో ఏర్పాటు చేసిన ప్రీ రిలీజ్ ఈవెంట్‌లో శంకర్ భారతీయుడు ఫ్యాన్స్ కు బిగ్ సర్ప్రైజ్ ప్లాన్ చేసినట్లు తెలిపారు. 'ఇండియన్ 2 సినిమా ఎండ్ టైటిల్స్ తర్వాత ఇండియన్ 3 ట్రైలర్ చూపించబోతున్నట్లు ట్టాక్.మరో ఆరు నెలలలో రిలీజ్ కాబోతున్న ఇండియన్ 3 ట్రైలర్ ఇప్పుడే చూపిస్తున్నాడంటే..మూవీ లవర్స్‌కు ఊపిరాడకుండా చేయాలని శంకర్ సార్ గట్టిగానే ఫిక్సయినట్టు ఉంది. ఇప్పటికే, ఇండియన్ 3 షూటింగ్ 70% కంప్లీట్ అవ్వగా..విఎఫ్ఎక్స్ పనులు కూడా పూర్తి కావొస్తున్నట్టు సమాచారం.ఈ సినిమా మరో ఆరు నెలల్లో ప్రేక్షకుల ముందుకు తీసుకురాబోతున్నట్లు సమాచారం.
ఇకపోతే ఈ సినిమాకు సంబంధించి టికెట్స్ రేట్లు కూడా పెంచేందుకు వివిధ రాష్ట్ర ప్రభుత్వాల నుంచి అనుమతి లభించింది. ఇందుకోసం తెలుగు రాష్ట్రాలలో సింగిల్ స్క్రీన్ థియేటర్లలో 50 రూపాయలు,అలాగే మల్టీప్లెక్స్ లో 75 రూపాయల (మరియు జీఎస్టీ) మేరకు ధరలు పెంచుకునేందుకు అనుమతి ఇచ్చారు. మరి రేపు రిలీజ్ కానున్న భారతీయుడు ఎలాంటి ప్రభంజనం షురూ చేయనున్నాడో చూడాలి.
