Game Changer: గ్లోబల్ స్టార్ రామ్ చరణ్ "గేమ్ ఛేంజర్" సినిమాలో హీరోగా నటిస్తున్న విషయం తెలిసిందే. ఈ సినిమాకి విలక్షణ డైరెక్టర్ శంకర్ దర్శకత్వం వహిస్తుండగా ప్రముఖ సినీ నిర్మాత దిల్ రాజు నిర్మిస్తున్నాడు. పొలిటికల్ డ్రామా బ్యాక్ డ్రాప్ లో ఈ సినిమాని దాదాపుగా రూ.300 కోట్లు బడ్జెట్ వెచ్చించి నిర్మిస్తున్నారు.
ఈ సినిమాలో ఎస్.జె సూర్య, సునీల్, శ్రీకాంత్, నవీన్ చంద్ర, తదితరులు ప్రధాన తారాగణంగా నటిస్తుండగా బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. ఇటీవలే ఈ సినిమా టీజర్ రిలీజ్ కావడంతో భారీ అంచనాలు నెలకొన్నాయి.
అయితే డైరెక్టర్ శంకర్ గేమ్ ఛేంజర్ నుంచి కొత్త పోస్టర్ ని సోషల్ మీడియాలో షేర్ చేశాడు. ఈ పోస్టర్ లో అప్పన్న క్యారెక్టర్ లో రామ్ చరణ్ సైకిల్ మీద కనిపించాడు. అలాగే గేమ్ ఛేంజర్ సినిమా రిలీజ్ కి ఇంకా 50 రోజులు ఉందని పేర్కొన్నాడు. దీంతో రామ్ చరణ్ ఫ్లాష్ బ్యాక్ రోల్ పై క్లారిటీ వచ్చింది.
గతంలో రామ్ చరణ్ ప్రముఖ డైరెక్టర్ సుకుమార్ కాంబినేషన్ లో వచ్చిన రంగస్థలం సినిమాలో రామ్ చరణ్ సైకిల్ మీద కనిపించాడు. రంగస్థలం బ్లాక్ బస్టర్ అవ్వడంతో ఇండస్ట్రీలో రికార్డులు క్రియేట్ చేసింది. దీంతో సైకిల్ మీద వచ్చాడంటే హిట్ కన్ఫర్మ్ అంటూ చెర్రీ అభిమానులు కామెంట్లు చేస్తున్నారు.
ఈ విషయం ఇలా ఉండగా గేమ్ ఛేంజర్ వచ్చే ఏడాది సంక్రాంతి కానుకగా జనవరి 10న రిలీజ్ కాబోతోంది. అయితే ఇప్పటికే సంక్రాంతి రేసులో బాలకృష్ణ "డాకు మహారాజ్", మరో స్టార్ హీరో విక్టరీ వెంకటేష్ హీరోగా నటించిన "సంక్రాంతికి వస్తున్నాం" సినిమాలు ఉన్నాయి. దీంతో ఈ సంక్రాంతికి సినిమాల హోరు ఆసక్తిగా ఉండబోతున్నట్లు తెలుస్తోంది.
#GameChanger pic.twitter.com/LsmW2QkKGR
— Shankar Shanmugham (@shankarshanmugh) November 21, 2024
