- క్యాంపులో ఉన్న 14 మంది డైరెక్టర్లు
నల్గొండ, వెలుగు : డీసీసీబీ చైర్మన్ గొంగిడి మహేందర్రెడ్డి ఒంటెద్దు పోకడలతోనే ఆయనపై అవిశ్వాస తీర్మానం పెట్టాల్సి వచ్చిందని డైరెక్టర్లు అన్నారు. 15 మంది డైరెక్టర్లు చైర్మన్కు వ్యతిరేకంగా అవిశ్వాస తీర్మానం పెట్టిన సంగతి తెలిసిందే. బుధవారం ఏకంగా డైరెక్టర్లు చైర్మన్కు సవాల్విసిరారు. తాము ప్రలోభాలకు తలొగ్గి అవిశ్వాస తీర్మానం పెట్టామని చైర్మన్ కామెంట్స్చేయడాన్ని వారు తీవ్రంగా ఖండించారు. నాలుగేళ్ల పాలనలో ఎలాంటి ప్రలోభాలు ఇచ్చి తమను లొంగదీసుకున్నాడో చెప్పాలని డిమాండ్ చేశారు.
ఉద్యోగుల బదిలీలు, మీటింగ్లో నిర్ణయాలన్నీ ఏకపక్షంగానే సాగిపోయాయని విమర్శించారు. చైర్మన్ భార్య సునీత రెండుసార్లు ఎమ్మెల్యేగా ఎన్నికయ్యారని, వారంటే తమకు ఎనలేని గౌరవం ఉందని, వ్యక్తిగత విమర్శలకు దిగితే ఊరుకునే ప్రసక్తే లేదని హెచ్చరించారు. చైర్మన్పైనే భూకబ్జా కేసులు అనేకం ఉన్నాయని, అయినప్పటికీ వ్యక్తిగత విమర్శలకు వెళ్లద్దొన్న ఉద్దేశంతోనే సైలెంట్గా ఉన్నామని చెప్పారు. ఆయన స్థాయిని తగ్గించుకోకుండా చైర్మన్ పదవికి రాజీనామా చేస్తే సరేసరి లేదంటే అనవసరంగా అభాసు పాలుకావాల్సి వస్తుందన్నారు.
28న జరిగే అవిశ్వాసం మీటింగ్లో ఆయన ఓడిపోవడం ఖాయమని, ఈలోగా ఆయనే పదవి నుంచి తప్పుకుంటే మంచిందని సూచించారు. సమావేశంలో డైరెక్టర్లు కుంభం శ్రీనివాస్ రెడ్డి, పాశం సంపత్రెడ్డి, కోడి సుష్మా, జూలూరి శ్రీని వాస్, అందెం లింగం యాదవ్, గుడిపాటి సైదులు, కొండా సైదయ్య, వీరస్వామి, బంటు శ్రీను, కొమ్ము కరుణ, అనురాధ, జయరామ్ నాయక్, కొమ్ము సైదులు తదితరులు ఉన్నారు.
