- 800 మెగావాట్ల ప్లాంట్ ఏర్పాటుపై పరిశీలన
గోదావరిఖని, వెలుగు : పెద్దపల్లి జిల్లా రామగుండంలో మూసివేసిన 62.5 మెగావాట్ల జెన్కో పవర్ప్లాంట్ స్థానంలో 800 మెగావాట్ల సూపర్క్రిటికల్ పవర్ప్లాంట్ఏర్పాటు సాధ్యాసాధ్యాలను పరిశీలించేందుకు శుక్రవారం జెన్కో ఉన్నతాధికారులు ప్లాంట్ను సందర్శించారు. ఇటీవల డిప్యూటీ సీఎం మల్లు భట్టి విక్రమార్క సమక్షంలో జరిగిన సమీక్షా సమావేశంలో కొత్త ప్లాంట్ఏర్పాటు కోసం ప్రతిపాదనలు సిద్ధం చేయాలని ఆదేశించారు.
ఈ నేపథ్యంలో టీజీఎస్ జెన్కో సివిల్ డైరెక్టర్హెచ్ఆర్అజిత్, ప్రాజెక్ట్స్ డైరెక్టర్సచ్చితానంద రామగుండంలో పర్యటించారు. ఒక మెగావాట్ప్లాంట్ నిర్మాణానికి 0.82 ఎకరాల భూమి అవసరం కాగా, 800 మెగావాట్ల సూపర్ క్రిటికల్ పవర్ప్లాంట్ఏర్పాటుకు 650 ఎకరాల భూమి సరిపోతుంది. అయితే, రామగుండంలో 700.24 ఎకరాల భూమి అందుబాటులో ఉండడంతో..ఇక్కడ 800 మెగావాట్ల పవర్ప్లాంట్ఏర్పాటుకు మార్గం సుగమమైనట్టుగా తెలుస్తున్నది.
అవసరమైన బొగ్గు సింగరేణి నుంచి, నీళ్లను ఎల్లంపల్లి ప్రాజెక్ట్ నుంచి తీసుకునే వీలుంది. ఇందుకోసం ప్రతిపాదనలు తయారు చేసేందుకు ఆఫీసర్లు సిద్ధమై జెన్కో ప్లాంట్ను సందర్శించి పరిశీలించినట్టు తెలుస్తున్నది. కాగా, రామగుండంలో మూసివేసిన జెన్కో ప్లాంట్ స్థానంలో కొత్తగా 800 మెగావాట్ల పవర్ప్లాంట్ను నిర్మించేందుకు సిద్ధంగా ఉన్నట్టు ఇటీవల సింగరేణి ప్రకటించింది. అయితే ఈ ప్లాంట్ను సింగరేణి నిర్మిస్తుందా? లేక టీజీఎస్ జెన్కో నిర్మిస్తుందా? అనేది తెలియట్లేదు.
