భద్రాచలం, వెలుగు: భద్రాచలం ఏరియా ఆసుపత్రిలో స్టాఫ్ మధ్య అంతర్గత కుమ్ములాటలు తారాస్థాయికి చేరాయి. పరస్పర ఆరోపణలతో జిల్లా కలెక్టర్, ఎస్పీకి సూపరింటెండెంట్ డాక్టర్.రామకృష్ణపై ఫిర్యాదు చేశారు. దీంతో డీఎం అండ్ హెచ్వో డా.శిరీష బుధవారం భద్రాచలం వచ్చారు. భద్రాచలం, పాల్వంచ డిప్యూటీ డీఎంఅండ్హెచ్ వోలతో కలిసి ఏరియా ఆసుపత్రిలో ఎంక్వైరీ చేశారు.
వేధింపుల నేపథ్యంలో కంప్లెంట్అందడంతో శానిటేషన్ స్టాఫ్తో పాటు స్టాఫ్నర్సులు, లేడీ డాక్టర్లను పిలిచి వివరాలు సేకరించారు. కరోనా టైంలో రాష్ట్రవ్యాప్తంగా సంచలనం రేకెత్తించిన రెమ్డిసివిర్ ఇంజెక్షన్ల కుంభకోణంతో భద్రాచలం ఏరియా ఆసుపత్రి వార్తల్లోకి ఎక్కింది. ఆ సమయంలో సూత్రధారులను సస్పెండ్ చేశారు. కానీ తిరిగి వారు ఇదే ఆసుపత్రిలో విధుల్లో చేరారు. ఈ విషయంలోనూ కంప్లెంట్చేయడంతో అన్ని ఫిర్యాదులపై విచారణ కొనసాగిస్తున్నారు.
