రాయికల్, వెలుగు: రాయికల్ మున్సిపల్లో కౌన్సిలర్లు పెట్టిన అవిశ్వాసం వీగిపోయింది. శుక్రవారం రాయికల్ మున్సిపల్ కార్యాలయంలో ఆవిశ్వాసంపై కలెక్టర్ ఆదేశాలతో జగిత్యాల ఆర్డీఓ నర్సింహమూర్తి ప్రత్యేక సమావేశం నిర్వహించారు. బీఆర్ఎస్ కౌన్సిలర్లు 8 మంది ఇటీవల చైర్మన్ మోర హన్మండ్లు, వైస్ చైర్పర్శన్ గండ్ర రమాదేవిలపై ఆవిశ్వాసం పెట్టేందుకు జిల్లా కలెక్టర్‌‌‌‌‌‌‌‌కు వినతిపత్రం అందించారు.
కలెక్టర్ కౌన్సిలర్లందరిని ఈ నెల 16న హజరుకావాలని నోటీసులు అందించి ప్రత్యేక సమావేశం ఏర్పాటు చేశారు. ఉదయం 11 నుంచి 12 గంటల వరకు సమావేశం నిర్వహించగా కాంగ్రెస్ కౌన్సిలర్ మ్యాకల అనురాధ, బీజేపీ కౌన్సిలర్ కల్లెడ సునీత మాత్రమే హాజరయ్యారు. మిగతా ఎనిమిది మంది బీఆర్ఎస్ కౌన్సిలర్లు హజరు కాకపోవడంతో కౌన్సిలర్లు పెట్టిన ఆవిశ్వాసం వీగిపోయిందని ఆర్డీఓ నర్సింహమూర్తి తెలిపారు.
