మేడ్చల్, వెలుగు: మేడ్చల్ మండల పరిషత్ఆఫీస్లో శుక్రవారం నిర్వహించిన కల్యాణ లక్ష్మి, షాదీ ముబారక్ చెక్కుల పంపిణీలో రసాభాస జరిగింది. కార్యక్రమానికి ఎంపీ ఈటల రాజేందర్, ఎమ్మెల్యే మల్లారెడ్డి హాజరై లబ్ధిదారులకు చెక్కులు అందజేశారు. వారిద్దరూ వెళ్లిపోయిన తర్వాతే బీఆర్ఎస్ శ్రేణులతో కాంగ్రెస్ నాయకులు వాగ్వాదానికి దిగారు. మేడ్చల్ కాంగ్రెస్ ఇన్చార్జి వజ్రేష్ యాదవ్ రాకుండా చెక్కులు ఎలా అందజేస్తారని, ఇంకా మీరే అధికారంలో ఉన్నట్లు చేస్తున్నారని ఆగ్రహం వ్యక్తం చేశారు. దీంతో కాసేపు అక్కడ ఉద్రిక్త వాతావరణం నెలకొంది.
