యాదాద్రి, వెలుగు: ఉమ్మడి నల్గొండ జిల్లాలో బీఆర్ఎస్ లోని అసంతృప్త నేతలంతా ఒక్కటైతున్నరు. యాదాద్రి జిల్లాకు చెందిన ఓ లీడర్ అందరినీ ఒకే వేదికపైకి తెచ్చే పనిలో నిమగ్నమయ్యారు. కొన్ని రోజులుగా ఆ లీడర్ నేతృత్వంలో ఉమ్మడి జిల్లాకు చెందిన పలువురు లీడర్లు సీక్రెట్గా కలుసుకుంటున్నారు. మునుగోడు ఉప ఎన్నికకు ముందు నుంచి ఉమ్మడి నల్గొండకు చెందిన వివిధ పార్టీల లీడర్లు బీఆర్ఎస్ లో చేరారు. వారితో పాటు కోమటిరెడ్డి సోదరులను వ్యతిరేకించేవారు బీఆర్ఎస్కు తోడు కావడంతో ఆ ఎన్నికలో కూసుకుంట్ల ప్రభాకర్ రెడ్డి గెలిచారు.
ఆ ఎన్నిక ముగిసిన తర్వాత మునుగోడులో బీఆర్ఎస్ గెలుపు కోసం పని చేసిన వారితో పాటు గతంలో క్రియాశీలకంగా వ్యవహరించిన లీడర్లనూ బీఆర్ఎస్ అధిష్ఠానం పట్టించుకోవడం లేదు. సీఎం కేసీఆర్సిట్టింగులకే మళ్లీ ఎమ్మెల్యే టికెట్లు కేటాయించడంతో.. స్థానికంగా తమకు పోటీ అవుతారని అనుకున్న లీడర్లను ఎమ్మెల్యేలు కూడా పెద్దగా పట్టించుకోవడం లేదు. ఓ వైపు ఎన్నికల్లో పోటీ చేసేందుకు అవకాశం ఇవ్వలేదన్న బాధ.. మరో వైపు ప్రస్తుత ఎమ్మెల్యేలు పట్టించుకోకపోవడంతో బీఆర్ఎస్లో క్రియాశీలకంగా పనిచేస్తున్నవారు, ఈ ఏడాది కొత్తగా పార్టీలో చేరిన వారు తీవ్ర అసంతృప్తిని వ్యక్తం చేస్తున్నారు.
ALSO READ : పూర్తిగాని ప్రాజెక్టును ప్రారంభించుడేంది?... సీఎం కేసీఆర్పై షర్మిల ఫైర్
ఇయ్యాల అందరూ ఒకే వేదికపైకి
ఇప్పటి వరకు సీక్రెట్గా కలుసుకున్న అసంతృప్త నేతలంతా తొలిసారి ఒకే వేదికపైకి రానున్నారు. ఆదివారం నల్గొండలో మీటింగ్ ఏర్పాటు చేసుకోవాలని నిర్ణయం తీసుకున్నట్టుగా తెలుస్తోంది. తమకు ప్రయారటీ ఇవ్వాలని ఈ వేదిక మీద నుంచి డిమాండ్ చేస్తారని సమాచారం. ఈ మీటింగ్కు ఉమ్మడి జిల్లాకు చెందిన లీడర్లతో పాటు 40 నుంచి 50 మంది వేరే జిల్లాల లీడర్లు కూడా హాజరయ్యే అవకాశం ఉందని తెలుస్తోంది. అయితే, మీటింగ్ నిర్వహించే ప్లేస్ నుమాత్రం గోప్యంగా ఉంచుతున్నారు. అలాగే, ఒకే సామాజిక వర్గానికి చెందిన నేతలే ఎక్కువగా ఈ మీటింగ్కు రాబోతున్నారని తెలుస్తోంది.
