- మంత్రి జగదీశ్ రెడ్డి
సూర్యాపేట, వెలుగు : మట్టి గణపతి ని పూజిద్దాం..పర్యావరణాన్ని కాపాడదాం అనే నినాదంతో రాబోయే వినాయక చవితి వేడుకలను ప్రతీ ఒక్కరూ జరుపుకోవాలని మంత్రి గుంటకండ్ల జగదీశ్ రెడ్డి పిలుపునిచ్చారు. గురువారం సూర్యాపేట కలెక్టరేట్లో మట్టి విగ్రహాల వల్ల కలిగే ప్రయోజనాలపై పొల్యూషన్ కంట్రోల్ బోర్డ్ ఆధ్వర్యంలో అవగాహన పోస్టర్ ఆవిష్కరించారు.
ముఖ్య అతిథిగా కలెక్టర్ వెంకట్రావ్, ఎస్పీ రాజేంద్రప్రసాద్ వచ్చారు. అనంతరం మంత్రి మాట్లాడుతూ, ప్రకృతిని కాపాడటమే పండగల లక్ష్యం అని, ఈ కార్యక్రమం లో అడిషనల్ కలెక్టర్ వెంకట్ రెడ్డి, అడిషనల్ ఎస్పీ నాగేశ్వర రావ్, డిఎస్పీ నాగభూషణం , చివ్వెంల జడ్పీటిసి సంజీవ నాయక్, మారీపెద్ధి శ్రీనివాస్ గౌడ్, సునీల్ రెడ్డి తదితరులు పాల్గొన్నారు.
ప్రభుత్వం ఆధ్వర్యంలో మట్టి విగ్రహాల పంపిణీ
జాతీయ సమైక్యత దినోత్సవాన్ని పురస్కరించుకుని సూర్యాపేట కలెక్టరేట్ అవరణ లో మట్టి విగ్రహాలను పంపిణీ చేయనున్నట్లు కలెక్టర్ వెంకట్రావు, సీపీబీ ఈఈ సురేశ్ బాబు తెలిపారు. పొల్యూషన్ కంట్రోల్ బోర్డు ఆధ్వర్యం లో 2 వేల విగ్రహాలు చిన్నవి, 125 పెద్ద విగ్రహాలను ఉచితంగా పంపిణీ చేయనున్నట్లు తెలిపారు.
