సత్తుపల్లి, వెలుగు : హోప్ మినిస్ట్రీస్ సంస్థ ఆధ్వర్యంలో నిరుపేద మహిళలకు 100 కుట్టు మిషన్ లను ఎమ్మెల్యే డాక్టర్ మట్టా రాగమయి, కాంగ్రెస్ రాష్ట్ర నాయకులు డాక్టర్ మట్టా దయానంద్ బుధవారం అందజేశారు. సత్తుపల్లిలోని జేవీఆర్ డిగ్రీ కళాశాల ఆవరణలో పెనుబల్లి, వేంసూర్, సత్తుపల్లి మండలాలకు చెందిన మహిళలకు మిషన్లను పంపిణీ చేశారు. ఈ సందర్భంగా ఎమ్మెల్యే హోప్ మినిస్ట్రీస్ చేస్తున్న సేవా కార్యక్రమాలను అభినందించారు.
నేషనల్ క్రిస్టియన్ కౌన్సిల్ రాష్ట్ర అధ్యక్షుడు అలవాల కరుణాకర్ అధ్యక్షతన జరిగిన ఈ కార్యక్రమములో హోప్ మినిస్ట్రీస్ సంస్థ డైరెక్టర్ శామ్యూల్ జాషువా గెడ్డం, కాంగ్రెస్ నాయకులు గాదె చెన్నారావు, కమల్ పాషా, పింగిలి సామేలు, పలువురు పాస్టర్స్ పాల్గొన్నారు.
