భద్రాచలం, వెలుగు : తెలంగాణ రాష్ట్ర ఆవిర్భవోత్సవం సందర్భంగా రోటరీ క్లబ్ ఆఫ్ భద్రాచలం ఆధ్వర్యంలో ఆదివారం పట్టణంలోని పేద చిరు వ్యాపారుల జీవనోపాధి కోసం తోపుడు బండ్లను పంపిణీ చేశారు.
సుమారు రూ.2లక్షల విలువ చేసే 12 బండ్లను పేద వ్యాపారులకు అధ్యక్షురాలు మహాలక్ష్మి అందించారు. భద్రాచలం, మొయినాబాద్ రోటరీ క్లబ్లు ఈ కార్యక్రమం నిర్వహించాయి. కార్యదర్శి రాజశేఖర్, కోశాధికారి విద్యాసాగర్, అసిస్టెంట్ గవర్నర్ వేణుగోపాల్, పాస్ట్ ప్రెసిడెంట్స్ యశోద రాంబాబు, మునికేశవ్, రఫీ, మధు, అజయ్కుమార్, అజీం పాల్గొన్నారు.
