రామాయంపేట, వెలుగు: గ్రంథాలయాలను మారుమూల ప్రాంతాల్లో కూడా ఏర్పాటు చేస్తామని ఆ సంస్థ జిల్లా చైర్ పర్సన్ సుహాసిని రెడ్డి తెలిపారు. బుధవారం ఆమె రామాయంపేట లైబ్రరీని పరిశీలించారు. ఈ సందర్భంగా ఆమె మాట్లాడుతూ.. యువత ముందుకు వస్తే మారుమూల గ్రామాల్లో సైతం గ్రంథాలయాలను ఏర్పాటు చేస్తామని ఆమె చెప్పారు.
జిల్లాలో 16 గ్రంథాలయాలు ఉండగా అందులో 4 అద్దె భవనాల్లో కొనసాగుతున్నాయని తెలిపారు. రేగోడ్ నూతన భవన నిర్మాణ పనులు జరుగుతున్నాయని చెప్పారు. మండల కేంద్రాల్లో 12 వేల పుస్తకాలు ఉండగా, పల్లె ప్రాంతాల్లో 6 వేల పుస్తకాలు ఉన్నాయని ఆమె తెలిపారు.
