![కుక్కల బెడదపై జడ్జి డి.రవీంద్ర శర్మ సీరియస్](https://static.v6velugu.com/uploads/2024/07/district-chief-justice-d-ravindra-sharma-got-serious-with-authorities-on-the-menace-of-dogs_65KwfPLrVa.jpg)
జనగామ అర్బన్, వెలుగు: జనగామ పట్టణంలో కుక్కల బెడదపై జిల్లా ప్రధాన న్యాయమూర్తి డి.రవీంద్ర శర్మ అధికారులపై సీరియస్ అయ్యారు. ఈ మేరకు ఆయన పంచాయతీ అధికారి అనిల్ కుమార్, మున్సిపల్ కమిషనర్ పి.వెంకటేశ్వర్లు, శానిటరీ ఇన్స్పెక్టర్ మల్లిగారి మధును మంగళవారం సాయంత్రం తన ఛాంబర్కు పిలిపించుకొని సమీక్షించారు.
కోర్టు ఆవరణలో కూడా కుక్కలు ఎక్కువయ్యాయని, కక్షిదారులకు, న్యాయవాదులకు ఇబ్బందిగా మారిందన్నారు. తక్షణం కోర్టు ఆవరణ నుంచి కుక్కలను తరలించాలని ఆదేశించారు. జనగామ పట్టణంలోని పలువార్డుల్లో కుక్కల బెడద తీవ్రంగా ఉన్నట్లు తెలుస్తుందని, దీనిపైనా చర్యలు చేపట్టాలన్నారు.