మెదక్ టౌన్, వెలుగు: రోడ్డు భద్రతలో ప్రతి ఒక్కరూ భాగస్వాములు కావాలని మెదక్ జిల్లా కలెక్టర్ రాహుల్ రాజ్, ఎస్పీ ఉదయ్ కుమార్ రెడ్డి అన్నారు. రోడ్డు భద్రత మాసోత్సవాల్లో భాగంగా బుధవారం జిల్లా రవాణా శాఖ ఆధ్వర్యంలో మెదక్ జూనియర్ కాలేజీలో విద్యార్థులకు ప్రమాదాల నివారణకు తీసుకోవాల్సిన జాగ్రత్తలపై అవగాహన కల్పించి... అనంతరం ర్యాలీని కలెక్టర్ రాహుల్ రాజ్, ఎస్పీ ఉదయ్ కుమార్ రెడ్డి ప్రారంభించారు.
రోడ్డు భద్రతా నియమాలు సంబంధించి ప్లకార్డులతో రాందాస్ చౌరస్తా వరకు పెద్ద సంఖ్యలో ర్యాలీ నిర్వహించారు. ఈ సందర్భంగా కలెక్టర్, ఎస్పీలు మాట్లాడుతూ... ప్రమాదాల నివారణకు ప్రజలు తీసుకోవాల్సిన జాగ్రత్తలు తెలియజేశారు. కార్యక్రమంలో జిల్లా రవాణా శాఖ అధికారి వెంకట స్వామి, ఆర్ అండ్ బీ ఈఈ సర్ధార్ సింగ్, డీఎస్పీ ప్రసన్న కుమార్, ఎంవీఐ విజయలక్ష్మి, ఏఎంవీఐలు శ్రీలేఖ, శ్రీనివాస్, సంబంధిత శాఖల అధికారులు తదితరులు పాల్గొన్నారు.
