నిజామాబాద్, వెలుగు: జిల్లాలో ఓటరు నమోదు ప్రక్రియ ముగిశాక ఫైనల్ లిస్టు పక్కాగా ఉండేలా చూడాలని జిల్లా పరిశీలకురాలు, ప్రభుత్వ కార్యదర్శి క్రిస్టినా జెడ్ చొంగ్తూ సూచించారు. బుధవారం ఆమె జిల్లాలోని పడ్కల్, అర్సాపల్లి, గుత్ప, పోచంపాడ్, శక్కర్నగర్లో పోలింగ్ సెంటర్లను విజిట్ చేశారు. డ్రాఫ్ట్ లిస్టులోని ఓటర్ల మార్పుచేర్పుల దరఖాస్తులను రిజిస్ట్రర్లో నమోదు చేయాలన్నారు. ఆన్లైన్, ఆఫ్లైన్ఆర్జీలను పరిశీలించారు.
వలస ఓటర్ల విషయంలో జాగ్రత్తలు పాటించాలన్నారు. రెండు ప్రాంతాల్లో ఓటరుగా ఉంటే, ప్రస్తుతం ఎక్కడ ఉంటున్నారనే అంశాన్ని ప్రామాణికంగా తీసుకోవాలన్నారు. అనుమానాలుంటే ఆఫీసర్ల దృష్టికి తీసుకెళ్లి క్లారిఫై చేసుకోవాలని సూచించారు. కలెక్టర్ రాజీవ్గాంధీ హన్మంతు, అడిషనల్కలెక్టర్ చిత్రామిశ్రా, నగర పాలక కమిషనర్మంద మకరంద్ పాల్గొన్నారు.
తప్పులు లేకుండా తుది జాబితా రూపొందించాలి
బోధన్: ఎలాంటి తప్పులు లేకుండా ఓటరు తుది జాబితాను రూపొందించాలని జిల్లా ఎలక్టోరల్ అబ్జర్వర్ క్రిస్టినా జడ్చోంగ్తూ సూచించారు. బుధవారం బోధన్లోని శక్కర్నగర్లో మధుమలాంచ స్కూల్ పరిధిలోని 88, 95 పోలింగ్బూత్లను ఆమె పరిశీలించారు. కొత్తగా ఓటు కోసం నమోదు చేసుకున్న దరఖాస్తులు, మార్పులు చేర్పుల అర్జీలు, వాటి నమోదు వివరాల రిజిస్టర్ ను పరిశీలించారు. పోలింగ్ సమయంలో ఎలాంటి గందరగోళ పరిస్థితులు ఏర్పడకుండా పకడ్బందీ చర్యలు చేపట్టాలన్నారు.
అనంతరం జిల్లా కలెక్టర్ రాజీవ్గాంధీ హన్మంతు మాట్లాడుతూ జిల్లాలోని బోగస్ ఓట్లపై వచ్చిన ఫిర్యాదుల ఆధారంగా క్షేత్రస్థాయిలో అధికారులతో సర్వేచేసి తొలగిస్తున్నట్లు చెప్పారు. వారి వెంట ఆర్డీవో రాజాగౌడ్, తహశీల్దార్ గంగాధర్, ఆర్ఐ అరుణ్, రెవెన్యూ సిబ్బంది ఉన్నారు.
