రోడ్డుపై వెళ్తున్న ఓ కుక్క పిల్లను బైక్ తో తొక్కించిన ఘటనకు సంబంధించిన వీడియో సోషల్‌ మీడియాలో వైరల్ అవుతుంది. బెంగళూరులో ఈ ఘటన చోటుచేసుకుంది. ఈ వీడియోలో రోడ్డు మధ్యలో ఓ కుక్క పిల్ల ఉంది. అటువైపుగా ఓ బైక్ వస్తుంది. బైక్ కు బ్రేకులు పడలేదేమో గాని ఆ బబైక్ ఆ కుక్క పిల్లను తొక్కుకుంటూ వెళ్లింది. బంగి చక్రాల కింద ఆ కుక్క పిల్ల నలిగి విలవిల కొట్టుకోవడం వీడియోలో కనిపిస్తుంది.
Brutal #Accident on #Bengaluru roads,#Dog #Puppy came under wheels@blrcitytraffic @BlrCityPolice pic.twitter.com/PugXKeY7Tm
— NaNu Watching (@Namma_watching) August 4, 2024
ఆ తర్వాత బైక్ నడిపే వ్యక్తి కొద్ది దూరం వెళ్లి ఆగాడు. ఈ ఘటన సీసీ కెమెరాలో రికార్డవ్వగా... ఇప్పుడు ఇంటర్నెట్‌లో వైరల్ అవుతుంది. ఆ కుక్క పిల్లకు సాయం చేయడానికి స్థానికులు గుమిగూడారు. రోడ్డు పక్కగా వదిలారు. ఈ వీడియో వైరల్ కావడంతో బెంగళూరు పోలీసులు స్పందించారు. వర్తూరు పోలీస్ స్టేషన్ పరిధిలో ఈ ఘటలన జరిగినట్లు నిర్ధారించిన పోలీసులు .. బాధ్యులైన వ్యక్తులపై చర్యలు తీసుకోవాలని వర్తూర్ పోలీసులను ఉన్నతాధికారులు ఆదేశించారు.
