అచ్చంపేట, వెలుగు: ఎలాంటి అనుమతులు లేకుండా ప్రైవేట్ హాస్పిటల్స్ నడిపితే కఠిన చర్యలు తప్పవని డీఐవోడాక్టర్ రవికుమార్ హెచ్చరించారు. అచ్చంపేట పట్ఠణంలో రెండేండ్లుగా ఎలాంటి పర్మిషన్ లేకుండా నిర్వహిస్తున్న చరిత సాయి హాస్పిటల్ పై జిల్లా అధికారులు శుక్రవారం దాడులు నిర్వహించారు.. 2021 నుంచి ఎలాంటి అనుమతులు లేకుండా హాస్పిటల్ నిర్వహిస్తున్నట్లు గుర్తించి సీజ్ చేశారు.
ఈ సందర్భంగా డీఐవో మాట్లాడుతూ 2021 వరకు చిన్న పిల్లల వైద్యుడు డాక్టర్ అప్పారావు పేరుపై హాస్పిటల్కు పర్మిషన్ తీసుకొని ఆర్ఎంపీలతో వైద్యం కొనసాగించినట్లు తెలిపారు. ఆ తర్వాత రెన్యువల్ చేసుకోలేదని చెప్పారు. అంతకుముందు అచ్చంపేట గవర్నమెంట్ హాస్పిటల్లోని చిన్న పిల్లల విభాగాన్ని పరిశీలించారు. ఆయన వెంట హెల్త్ ఎడ్యుకేటర్ శ్రీనివాసులు, మాణిక్యమ్మ, పాషా ఉన్నారు.
