హైదరాబాద్, వెలుగు: వివాహ వేడుకకు హాజరయ్యేందుకు కర్నాటక డిప్యూటీ సీఎం, ఆ రాష్ట్ర పీసీసీ చీఫ్ డీకే శివ కుమార్ బుధవారం హైదరాబాద్కు వచ్చారు. బేగంపేట ఎయిర్ పోర్టులో ఇతర నేతలతో కలిసి తెలంగాణ పీసీసీ చీఫ్ మహేశ్ కుమార్ గౌడ్ ఆయనకు ఘన స్వాగతం పలికారు.
ప్రత్యేక విమానంలో ఇక్కడకు చేరుకున్న డీకేకు మహేశ్ గౌడ్ శాలువా కప్పి, బొకే అందజేశారు. ఈ సందర్భంగా ఇద్దరు నేతలు రాష్ట్రంలో రాజకీయ పరిస్థితులపై కొద్దిసేపు మాట్లాడుకున్నారు..
