భద్రాద్రికొత్తగూడెం, వెలుగు : ప్రయివేట్హాస్పిటళ్ల యాజమాన్యాలు పేషెంట్ల నుంచి ఇష్టారాజ్యంగా ఫీజులు వసూలు చేస్తే ఊరుకోబోమని డీఎంహెచ్వో ఎల్. భాస్కర్ నాయక్ హెచ్చరించారు. కొత్తగూడెం, చుంచుపల్లి ప్రాంతాల్లోని పలు ప్రయివేట్ హాస్పిటళ్లు, ల్యాబ్లను ఆయన గురువారం తనిఖీ చేశారు. హాస్పిటళ్లలో పని చేసే డాక్టర్ల సర్టిఫికెట్లను పరిశీలించారు. ఈ సందర్భంగా ఆయన మాట్లాడుతూ అనుమతులు లేకుండా హాస్పిటళ్లు
ల్యాబ్లు నిర్వహిస్తే చర్యలు తీసుకుంటామని హెచ్చరించారు. రోగులకు మెరుగైన వైద్య సేవలందించడమే లక్ష్యంగా ప్రయివేట్ హాస్పిటళ్ల యాజమాన్యాలు పనిచేయాలని సూచించారు. ప్రభుత్వ నిబంధనల ప్రకారంగా హాస్పిటళ్లలో అన్ని సౌకర్యాలుండాలన్నారు. ఆయన వెంట ప్రోగ్రామ్ ఆఫీసర్ డాక్టర్ మధువన్, డిప్యూటీ డెమో ఫైజ్మొహియుద్దీన్ఉన్నారు.
