నిజామాబాద్, వెలుగు: జిల్లాలోని ఆర్ఎంపీ, పీఎంపీలు ప్రాథమిక చికిత్స మాత్రమే చేయాలని, పరిధి దాటి వ్యవహరిస్తే యాక్షన్ తీసుకుంటామని డీఎంహెచ్వో సుదర్శనం వార్నింగ్ ఇచ్చారు. బుధవారం ఆయన తన ఆఫీస్లో మీటింగ్ నిర్వహించి మాట్లాడారు.
ఆర్ఎంపీ, పీఎంపీల సేవలను తాము గౌరవిస్తామని, ఓవర్డోస్ మందులు ఇవ్వడం, సెలైన్ఎక్కించడం చేయొద్దన్నారు. హెల్త్ఇష్యూస్తో వచ్చే వారికి తెలిసిన మేరకు టాబ్లెట్స్ఇచ్చి హాస్పిటల్ వెళ్లి ట్రీట్మెంట్పొందేలా ప్రోత్సహించాలన్నారు. ఆర్ఎంపీ, పీఎంపీ యూనియన్ లీడర్లు ఉన్నారు. కాగా సిటీ శివారులోని అర్సాపల్లిలో ఎం.శ్రీనివాస్అనే పీఎంపీ నిర్వహిస్తున్న క్లినిక్కు బుధవారం సాయంత్రం తాళం వేశారు. డిప్యూటీ డీఎంహెచ్వో డాక్టర్ అంజన, డాక్టర్ వెంకటేశ్ వెళ్లి నిబంధనలకు వ్యతిరేకంగా నడుపుతున్న క్లినిక్ను క్లోజ్చేశారు.
