చెన్నై: సినీ నటుడు, మక్కల్ నీది మయ్యమ్(ఎంఎన్‌‌‌‌ఎం) పార్టీ చీఫ్ కమల్ హాసన్ రాజ్యసభకు వెళ్లనున్నట్టు తెలుస్తోంది. సీఎం స్టాలిన్ నేతృత్వంలోని డీఎంకే పార్టీ అతడిని తమిళనాడు నుంచి నామినేట్ చేయనున్నట్టు సంబంధిత వర్గాల ద్వారా తెలిసింది. ఈమేరకు తమిళనాడు మంత్రి పీకే శేఖర్ బాబు బుధవారం కమల్హాసన్ ఇంటికి వెళ్లి కలిశారు. దీంతో ఈ అంశం చర్చనీయాంశమైంది.
గత ఏడాది లోక్‌‌‌‌సభ ఎన్నికల ప్రచారం కోసం డీఎంకే నేతృత్వంలోని కూటమితో కమల్ హాసన్‌‌‌‌కు చెందిన మక్కల్ నీది మయ్యమ్ చేతులు కలిపింది. ఈ ఏడాది రాజ్యసభ ఎన్నికలకు కూటమిలో భాగంగా ఎంఎన్‌‌‌‌ఎం ఒక స్థానాన్ని కూడా దక్కించుకుంది. 2024 లోక్‌‌‌‌సభ ఎన్నికల సమయంలో మద్దతు ఇచ్చినందుకు ఒప్పందంలో భాగంగా సీఎం ఎంకే స్టాలిన్ కమల్కు రాజ్యసభ సీటును హామీ ఇచ్చినట్టు సమాచారం.
