కలెక్టర్కు ఇండిపెండెంట్ అభ్యర్థుల వినతి
సిద్దిపేట, వెలుగు: సిద్దిపేట జిల్లా దుబ్బాక ఉప ఎన్నికల నోటిఫికేషన్ వెలువడిన నాటి నుంచి పోలింగ్ వరకు అనేక అవకతవకలు జరిగాయని ఇండిపెండెంట్ అభ్యర్థులు ఆరోపించారు. ఎన్నికల రిజల్ట్స్ వెల్లడించకుండా నిలిపివేయాలంటూ కోరుతూ ఇండిపెండెంట్అభ్యర్థులు సాయన్న, నరేశ్, విక్రంరెడ్డి శుక్రవారం ఎన్నికల జిల్లా అధికారి, కలెక్టర్ భారతి హొళికెరికి వినతిపత్రం అందజేశారు. రాజకీయ పార్టీల అభ్యర్థులు, అధికార యంత్రాంగం ఎన్నికల రూల్స్ ఉల్లంఘించారని వినతిపత్రంలో పేర్కొన్నారు. ఈ విషయంపై పూర్తి స్థాయిలో విచారణ జరిపించాలని, బాధ్యులపై చర్యలు తీసుకుని ప్రజాస్వామ్యాన్ని కాపాడాలని కోరారు.
For More News..
