ఉప్పల్స్టేడియంలో బుధవారం జరగనున్న సన్రైజర్స్హైదరాబాద్ వర్సెస్ముంబై ఇండియన్స్మ్యాచ్ కు కట్టుదిట్టమైన ఏర్పాట్లు చేసినట్లు రాచకొండ సీపీ తరుణ్ జోషి తెలిపారు. 2,800 మంది పోలీసులు, 360 సీసీ కెమెరాలతో నిఘా పెట్టినట్లు వెల్లడించారు. మంగళవారం స్టేడియంలోని ఏర్పాట్లను పరిశీలించిన అనంతరం సీపీ మీడియాతో మాట్లాడారు. ఫ్యాన్స్ కు ఎలాంటి ఇబ్బందులు కలగకుండా జాగ్రత్తలు తీసుకుంటున్నామన్నారు.
ముంబై, హైదరాబాద్మ్యాచ్ కు 39 వేల మంది ఫ్యాన్స్ రానున్నారని తెలిపారు. స్టేడియం పరిసరాల్లో 300 మంది ట్రాఫిక్ పోలీసులు, 918 మంది సివిల్ పోలీసులు, 12 ప్లాటూన్ల స్పెషల్ ఫోర్స్ పోలీసులు, రెండు ఆక్టోపస్ టీమ్స్,10 మౌంటెడ్పోలీస్, 10 వజ్రా వాహనాలు, ఎస్ బీ , సీసీఎస్, ఎస్ఓటీ తదితర పోలీస్బలగాలు విధుల్లో ఉండి, ఎప్పటికప్పుడు పర్యవేక్షిస్తాయన్నారు.
ఇవి తీసుకురావద్దు
ల్యాప్టాప్లు, వాటర్బాటిళ్లు, బ్యానర్లు, కెమెరాలు, ఎలక్ట్రానిక్గ్యాడ్జెట్లు, మ్యాచ్బాక్సులు, సిగరెట్లు, లైటర్లు, పదునైనా కత్తులు, బ్లేడ్లు, ప్లాస్టిక్ వస్తువులు, బైనాక్యూలర్లు, రైటింగ్పెన్స్, బ్యాటరీలు, హెల్మెట్లు, పెర్ఫ్యూమ్బాటిల్స్, బ్యాగులు, ఫుడ్ఐటమ్స్ స్టేడియంలోకి తీసుకురావొద్దని సీపీ సూచించారు. స్టేడియం వద్ద బ్లాక్లో టికెట్లు విక్రయిస్తే కఠిన చర్యలు ఉంటాయని హెచ్చరించారు. మ్యాచ్సందర్భంగా మెట్రో, ఆర్టీసీ అధికారులు అదనపు సర్వీసులను నడుపుతున్నారని, వినియోగించుకోవాలని సూచించారు.
