ఈ మధ్య స్పామ్కాల్స్ ఎక్కువైపోయాయి. అయితే చాలామంది వీటి పట్ల అవేర్నెస్తో ఉన్నారు. కానీ, పదేపదే కాల్స్ వస్తే ఎన్నిసార్లు అవాయిడ్ చేస్తూ ఉంటాం. ఏదో ఒక పర్మినెంట్ సొల్యూషన్ ఉండాలి కదా అనిపిస్తుంటుంది. అందుకోసమే డీఎన్డీ (డు నాట్ డిస్టర్బ్) ఫీచర్ యాక్టివేట్ చేసుకోవాలి.
స్పామ్ కాల్స్ అసలు రావొద్దంటే ముందుగా నేషనల్ కస్టమర్ ప్రిఫరెన్స్ రిజిస్టర్లో మీ ఫోన్ నెంబర్ నమోదు చేసుకోవాలి. ఇందులో రిజస్టర్ అయిన నెంబర్లకు టెలీ మార్కెటింగ్ కాల్స్ రావు. డీఎన్డీ (డు నాట్ డిస్టర్బ్) ఫీచర్ యాక్టివేట్ చేసుకోవాలంటే..1909 నెంబర్కు START అనే మెసేజ్ పంపాలి. దీంతో బ్యాంకింగ్, హాస్పిటాలిటీ వంటి వివిధ రంగాలకు సంబంధించిన కోడ్స్తో ఒక మెసేజ్ వస్తుంది. అందులో ఏ రంగానికి చెందిన కాల్స్ బ్లాక్ చేయాలనుకుంటే దాని కోడ్ను మెసేజ్ చేయాలి. 24 గంటల తర్వాత యూజర్ల రిక్వెస్ట్ ప్రాసెస్ అవుతుంది. మీరు ఎంచుకున్న రంగానికి సంబంధించిన కాల్స్ రావు.
అలాగే థర్డ్ పార్టీకి సంబంధించిన కమర్షియల్ కాల్స్ అన్నీ బ్లాక్ అవుతాయి. ఈ ఫీచర్ని యాక్టివేట్ చేయడానికి కస్టమర్లు టెలికాం సర్వీస్ ప్రొవైడర్ని కూడా వాడొచ్చు. జియో యాప్, ఎయిర్ టెల్, వొడాఫోన్, బీఎస్ఎన్ఎల్ వెబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌సైట్లలో కస్టమర్లు డీఎన్డీ సర్వీసును యాక్టివేట్ చేసుకోవచ్చు. ఆండ్రాయిడ్ ఫోన్లలో ఫిల్టర్ స్పామ్ ఫీచర్ని కూడా వాడొచ్చు. ఫోన్ యాప్లోని సెట్టింగ్స్లోకి వెళ్లి, అందులోని ఫిల్టర్ స్పామ్ కాల్స్లో సీ కాలర్ అండ్ స్పామ్ ఐడీ ఆప్షన్ని ఎంచుకోవాలి. దీంతో కాంటాక్ట్ లిస్ట్లో లేని నెంబర్ల నుంచి కాల్స్ వస్తే ఆటోమెటిక్గా సైలెంట్ అయిపోతాయి.
