- వర్షం వస్తే అంబర్పేట గర్ల్స్ హైస్కూల్ బంద్
- గోడలకు పగుళ్లు.. షెడ్డు మధ్యలో భారీ వృక్షం
- కమ్యూనిటీ హాల్లో కొనసాగుతున్న బంజారాహిల్స్ ప్రైమరీ స్కూల్
- ఐదు తరగతులు ఒక్కటే హాల్ లో..
- ఆరేండ్లుగా మురుగు బావి నీళ్లే దిక్కు
- పెచ్చులూడుతున్న స్కూల్పై కప్పు
హైదరాబాద్ సిటీ, వెలుగు: ‘మన ఊరు– మన బడి’, ‘అమ్మ ఆదర్శ పాఠశాల’ ఇలా రాష్ట్ర ప్రభుత్వం స్కూళ్ల అభివృద్ధి కోసం ఎన్ని స్కీములు తీసుకువచ్చినా కొన్నింటిలో సమస్యలు తీరడం లేదు. హైదరాబాద్పేరుకు అర్బన్ఏరియా అయినా ఏజెన్సీ ప్రాంతాల్లో ఉండే స్కూళ్ల కంటే దారుణమైన పరిస్థితులు నెలకొన్నాయి. ఉదాహరణకు అంబర్పేటలోని ప్రభుత్వ గర్ల్స్ హైస్కూల్ పరిస్థితి చూస్తే.. ఇది దాదాపు 40 ఏండ్లుగా రేకుల షెడ్డులోనే కొనసాతోంది. స్కూలుకు సంబంధించిన ల్యాండ్ఇష్యూ కోర్టులో నడుస్తోంది. దీంతో రిపేర్లకు నోచుకోవడం లేదు. ఈ స్కూల్లో వంద మంది దాకా చదువుతున్నారు. భారీ వర్షం కురిస్తే స్కూల్బంద్పెట్టి పిల్లలను ఇంటికి పంపాల్సిన పరిస్థితి నెలకొంది. స్కూల్ రేకుల షెడ్డు మధ్యలో నుంచి పెరిగిన పెద్ద వృక్షం కొమ్మలు ఏ క్షణాన విగిరి పడతాయో తెలియదు. గోడలకు పగుళ్లు వచ్చాయి. సమస్యకు ఏదైనా ప్రత్యామ్నాయ పరిష్కారం చూపాలని టీచర్లు, తల్లిదండ్రులు కోరుతున్నారు.
170 మందికి ఒకేచోట చదువులు
బంజారాహిల్స్ ఉదయ్ నగర్ లోని కమ్యూనిటీ హాల్లో గవర్నమెంట్ప్రైమరీ స్కూల్నడుస్తోంది. దాదాపు 170 మంది పిల్లలు ఇక్కడ చదువుతుండగా, అందరినీ ఒకటే హాల్లో కూర్చోబెట్టి క్లాసులు చెప్తున్నారు. దీంతో గందరగోళంగా ఉంటుందని, పిల్లలకు పాఠాలు అర్థం కావడం లేదని టీచర్లు చెబుతున్నారు. కమ్యూనిటీ హాల్కు మున్సిపల్వాటర్కనెక్షన్లేకపోవడంతో ఆవరణలోని బావి నీళ్లను వాడుతున్నారు. కాలనీవాసులు తరచూ బావిలో చెత్త చెదారం వేస్తుండడంతో మురుగు నీరుగా మారాయి. పిల్లలు, టీచర్లు ఆ నీళ్లనే వాడుకోవాల్సిన పరిస్థితి నెలకొంది. తాగడానికి మాత్రం నీటిని ఇండ్ల నుంచి తెచ్చుకుంటున్నారు. పైకప్పు పెచ్చులు ఊడుతుండడంతో పిల్లలు భయపడుతున్నారు. బాయ్స్, గర్ల్స్ కు కలిసి రెండే టాయిలెట్స్ఉండటంతో ఇబ్బందులను ఎదుర్కొంటున్నామని, మూత్ర సంబంధిత వ్యాధులు వస్తున్నాయని టీచర్లు, స్టూడెంట్స్ వాపోతున్నారు. విద్యాశాఖ అధికారులు స్పందించి చర్యలు తీసుకోవాలని కోరుతున్నారు. ఈ రెండు స్కూళ్లలో ‘మన ఊరు- మన బడి’, ‘అమ్మ ఆదర్శ పాఠశాల’ స్కీముల్లో భాగంగా కేవలం మైనర్ రిపేర్లు చేసినట్లు తెలిసింది.
