నవీపేట్, వెలుగు: నిజాంసాగర్ ప్రాజెక్ట్ నీళ్లపై అలీసాగర్, గుత్ప ప్రాజెక్టుల ఆయకట్టు కింద ఉన్న రైతులకు సైతం హక్కుందని బీజేపీ రాష్ట్ర కార్యవర్గ సభ్యులు వడ్డీ మోహన్ రెడ్డి పేర్కొన్నారు. శుక్రవారం బీజేపీ లీడర్లు, రైతులతో కలసి మండలంలోని కోస్లీ అలీసాగర్ పంప్హౌస్ ను పరిశీలించారు. ఈ సందర్భంగా విలేకరులతో మాట్లాడుతూ మంజీరా వాటర్ వృథా పోవొద్దనే ఉద్దేశంతో, గత ప్రభుత్వాలు అలీసాగర్, గుత్ప ప్రాజెక్టులు నిర్మించాయని గుర్తు చేశారు. నిజాంసాగర్ ప్రాజెక్ట్ నుంచి వదిలిన వాటర్ నిజామాబాద్ జిల్లాలోని వర్ని వరకు మాత్రమే అందుతుందన్నారు.
నిజాంసాగర్ ప్రాజెక్ట్ నీటిపై అలీసాగర్, గుత్త ప్రాజెక్టుల ఆయకట్టు రైతులకు సైతం సమాన హక్కు ఉంటుందని పేర్కొన్నారు. కానీ ఈ ప్రాజెక్టుల ఆయకట్టు రైతులకు నీళ్లివ్వకుండా పాలకులు అన్యాయం చేస్తున్నారని వాపోయారు. ముందస్తు వ్యవసాయం చేయాలని చెప్పే ముఖ్యమంత్రి కేసీఆర్, అన్నీ ప్రాంతాలకు నీరందేలా చూడాలన్నారు. న్యాయం చేయకుంటే రైతులతో కలిసి కలెక్టరేట్ను ముట్టడిస్తామని హెచ్చరించారు. కార్యక్రమంలో ఎంపీటీసీ మైస రాధ, నాగేపూర్ సొసైటీ చైర్మన్ శైలేశ్కుమార్, సొసైటీ డైరెక్టర్లు రాము, గణేశ్పాల్గొన్నారు.
