సాధారణంగా స్నానం చేసే సబ్బు ఖరీదు ఎంత ఉంటుంది. మహా అయితే రూ. 30, 40 ఉంటుంది. మరీ ఖరీదైంది ఐతే వంద రూపాయలు ఉంటుంది. ఐతే ఈ సబ్బు ఖరీదు వందలు కాదు వేలు అస్సలే కాదు ఏకంగా లక్షల్లో ఉంటుందట. ఇది ప్రపంచంలోనే అత్యంత ఖరీదైన సబ్బట కూడా! స్నానం చేసే సబ్బే కదా.. ఏమైనా బంగారంతో తయారు చేశారా? ఎందుకంత ఖరీదని అనుకుంటున్నారా! అవును.. ఇది మామూలు సబ్బు కాదు.. నిజంగానే బంగారంతో తయారు చేస్తారు. ఆ విశేషాలు తెలుసుకుందాం..
స‌బ్బుల్లో ఎన్నో ర‌కాలు ఉన్నాయి. స్నానానికి వాడే వాటిల్లో ఇప్పుడు మ‌రింత రంగు,వాస‌న‌ల క‌ల‌బోత‌తో సబ్బులను తయారు చేస్తున్నారు ప‌లు కంపెనీల వారు. కానీ ఒంటికి వాడే సబ్బు ఖరీదు లక్షల్లో ఉంటుంద‌ని మీకు తెలుసా..మ‌రి ఈ సోప్ కి ఎన్నో ప్రత్యేక‌త‌లు కూడా ఉన్నాయంటున్నారు సబ్బు తయారీదారులు. ప్రపంచంలోనే అత్యంత ఖరీదైన సోప్.. కాస్ట్ ఎంతో తెలుసా అక్షరాల రూ.2.7లక్షలు. సబ్బు రేటు ల‌క్షలా అనుకోకండి..
ఎక్కడ తయారు చేస్తారంటే..
లెబానోన్‌లోని ట్రిపోలీకి చెందిన ఒక కుటుంబానికి సబ్బులు ఫ్యాక్టరీ ఉంది.అందులో ఈ రకమైన సోప్స్ తయారుచేస్తారట. 15వ శతాబ్ధం నుంచే ఈ సబ్బులు వాడకంలో ఉన్నట్లు చరిత్ర చెబుతోంది. ఈ సబ్బు వాడిన వారికి ఆధ్యాత్మిక, మానసిక ప్రశాంతత కలుగుతుందట. అయితే దీనిని రుజువుచేసే ఆధారాలైతే ఏం లేవు. ఇంత డబ్బు పెట్టి దీన్ని వాడేవారు ఉంటారా అనిపిస్తుందా. డబ్బులు ఎక్కువగా ఉన్నవాళ్లకు ఇదేం పెద్ద మ్యాటర్ కాదు. ముఖ్యంగా వీఐపీలు, సెలబ్రెటీలు మాత్రమే వీటిని వాడుతారట. దుబాయ్‌లో నివసించే సంపన్న కుటుంబాలు ఎక్కువగా ఈ సబ్బులను వాడుతారని టాక్. ప్రత్యేకమైన నూనెలు, సహజ సువాసనలతో కూడిన చర్మ సంరక్షణ ఉత్పత్తులను తయారు చేయడంలో ఈ కంపెనీ ప్రసిద్ధి. ఈ కంపెనీ ఉత్పత్తులు కేవలం యునైటెడ్‌ అరబ్‌ ఎమిరేట్స్‌లోని కొన్ని ప్రత్యేక షాపుల్లో మాత్రమే అమ్ముతారు.
బంగారం ... వజ్రాలతో సబ్బు తయారీ
2013 లో ..దీనిని ఖతార్ అధ్యక్షుడి భార్యకు బహుమతిగా ఇచ్చినట్లు కొన్ని నివేదికల ద్వారా తెలుస్తోంది. ఈ లగ్జరీ సబ్బు పేరు ఖాన్‌ అల్‌ సబౌన్‌ సోప్. బాడర్‌ హసీన్‌ అండ్‌ సన్స్‌ కంపెనీ కేవలం చేతులతోనే ఈ సబ్బులను తయారు చేస్తుందట. ప్రత్యేకమైన నూనెలు, సహజ సువాసనలతో కూడిన చర్మ సంరక్షణ ఉత్పత్తులను తయారు చేయడంలో ఈ కంపెనీ ప్రసిద్ధి. ఈ సోప్ ఎందుకు ఇంత కాస్ట్ అంటే..దీనిని బంగారం, వజ్రాల పొడుల‌తో తయారు చేస్తారట. ఒక ఖాన్‌ అల్‌ సబౌన్‌ సబ్బు తయారీకి 17 గ్రాముల, 24 క్యారెట్ల బంగారం, 3 గ్రాముల వజ్రాల పౌడర్‌లో సహజమైన నూనెలు, సహజసిద్ధమైన తేనె, ఖర్జూరం కలిపి తయారు చేస్తారు.
ALSO READ: Israel-Hamas War: శవాల గుట్టలు..కూలిపోతున్న భారీ భవనాలు.. గాజాలో భయంకర పరిస్ధితులు
ఈ సబ్బు ప్రత్యేకత అదే..
ఈ సబ్బు వాడిన వారికి ఆధ్యాత్మిక, మానసిక ప్రశాంతత కలుగుతుందనే నమ్మకం ప్రచారంలో ఉంది. ఐతే దీనిని రుజువుచేసే ఆధారాలేవీ లేవు. అంత ఖరీదైన సబ్బు వాడేవారు కూడా ఉంటారా? అని అనుకుంటే పొరపాటే. చూడ్డానికి అచ్చం జున్ను ముక్కలా ఉంటుందీ సబ్బు. . దీని ధర కూడా చుక్కల్లో ఉంటుంది. ఒక సబ్బు ఖరీదు అక్షరాల 2 లక్షల 7 వేల రూపాయలు. ఆ మధ్య ఖరీదైన వాటర్‌ బాటిల్‌ ధర రూ. 45 లక్షల రూపాయలని విన్నాం. ఇప్పుడు రెండున్నర లక్షల స్నానం సబ్బు.. రోజూ వాడే మామూలు వస్తువులకు కూడా ఇంత ధర పలుకుతుందంటే నమ్మలేకపోతున్నాం కదా!
