హైదరాబాద్ సిటీ, వెలుగు: ఖైరతాబాద్ డిగ్రీ కాలేజీకి చెందిన అసిస్టెంట్ ప్రొఫెసర్ జిలకర స్వామికి జువాలజీలో ఉస్మానియా యూనివర్సిటీ డాక్టరేట్ ప్రకటించింది. ప్రొఫెసర్ జి.సునీతాదేవి పర్యవేక్షణలో కృష్ణ బొచ్చె చేపలో పెరుగుదల, ఆహార మార్పిడి సామర్థ్యం, జీవ రసాయన మార్పులపై ‘సోమాటో ట్రోపిన్’ హార్మోన్ ప్రభావం అన్న అంశంపై ఆయన పరిశోధన చేశాడు.
యాదాద్రి భువనగిరి జిల్లా మోత్కూరు మండలం దత్తప్పగూడెం గ్రామానికి చెందిన జిలకర స్వామి స్థానిక రెసిడెన్షియల్ స్కూల్లో పదో తరగతి వరకు చదివారు. ఆ తర్వాత మోత్కూర్జూనియర్ కాలేజీలో ఇంటర్, నల్గొండ నాగార్జున కాలేజీలో డిగ్రీ, ఓయూలో జువాలజీలో పీజీ, బీఈడీ పూర్తి చేశారు.
2008లో జూనియర్లెక్చరర్ గా ఎంపికై.. నిజామాబాద్, మోత్కూర్, కోదాడలో పనిచేశారు. 2012లో సెట్, 2014 లో నెట్కు అర్హత సాధించారు. అనంతరం డిగ్రీ లెక్చరర్గా ఉద్యోగం సాధించి కోదాడ, నల్గొండలో పనిచేశాడు. ఇటీవల జువాలజీలో స్వామి రాసిన రీసెర్చ్ పేపర్లు అంతర్జాతీయ జర్నల్స్లో ప్రచురితమవ్వడం విశేషం. పీహెచ్డీ పట్టా పొందిన స్వామిని ఖైరతాబాద్ డిగ్రీ కాలేజీ ప్రిన్సిపాల్ డాక్టర్ రాజేంద్ర కుమార్, వైస్ ప్రిన్సిపాల్, సిబ్బంది అభినందించారు.
