కామారెడ్డి, వెలుగు: కామారెడ్డి జిల్లా హాస్పిటల్ముందు సోమవారం తెలంగాణ టీచింగ్గవర్నమెంట్డాక్టర్స్అసోసియేషన్ఆధ్వర్యంలో డాక్టర్లు నల్లబ్యాడ్జీలు ధరించి నిరసన వ్యక్తం చేశారు. ఐసీయూ వార్డులో ట్రీట్మెంట్ పొందుతున్న పేషెంట్ను ఎలుకలు కొరికిన ఘటనలో డాక్టర్లు వసంత్కుమార్, కావ్య, నర్సింగ్ఆఫీసర్ మంజులను ఉన్నతాధికారులు సస్పెండ్చేయడాన్ని నిరసిస్తూ డాక్టర్లు ఆందోళన చేపట్టారు. వార్డులోని రోగికి ఎలుకలు కరవడానికి, డాక్టర్లకు సంబంధం ఏమిటని ప్రశ్నించారు. డాక్టర్లు పేషెంట్బాగోగులు చూసుకుంటారే తప్ప శానిటేషన్ పనులు చేయరన్నారు. డాక్టర్లపై విధించిన సస్పెన్షన్ను వెంటనే ఎత్తివేయాలని డిమాండ్చేశారు. లేకుంటే రాష్ట్రవ్యాప్తంగా ఆందోళన చేపడతామన్నారు.
హెల్త్ మినిస్టర్ను కలిసిన అసోసియేషన్ప్రతినిధులు
గవర్నమెంట్ హాస్పిటల్స్ డాక్టర్స్ అసోసియేషన్ ప్రతినిధులు సోమవారం హెల్త్ మినిస్టర్ దామోదర రాజనర్సింహాను హైదరాబాద్లో కలిశారు. కామారెడ్డిలో ఇద్దరు డాక్టర్లు, నర్సింగ్ఆఫీసర్పై విధించిన సస్పెన్షన్ ను ఎత్తేయాలని విన్నవించారు. ఇతర సమస్యలను కూడా మంత్రి దృష్టికి తీసుకెళ్లారు. సమస్యలను పరిష్కరిస్తామని మంత్రి హామీ ఇచ్చారు. మినిస్టర్ను కలిసిన వారిలో వైద్య విధాన పరిషత్ కమిషనర్ అజయ్కుమార్, శ్రీనివాస్ ఉన్నారు.
