శక్తిని, ఆరోగ్యాన్ని అందించే కూరగాయల జాబితాలో బీట్రూట్ మొదటిది. కానీ దీన్ని తినడానికి చాలామంది అంతగా ఇష్టపడరు. కూర ఇష్టం లేనివాళ్లు, పచ్చిగా తినలేని వాళ్లు జ్యూస్ చేసి తాగితే చాలా లాభం.
- బీట్రూట్ జ్యూస్ కనీసం రెండు రోజులకు ఒకసారైనా ఒక గ్లాస్ తాగితే శరీరానికి కావాల్సిన పోషకాలు అందుతాయని వైద్య నిపుణులు చెబుతున్నారు.
- మహిళలు ఎక్కువగా ఎదుర్కొనే సమస్య రక్తహీనత. ఇది ఐరన్ లోపం వల్ల వస్తుంది. వాళ్లు రోజూ ఒక కప్పు బీట్ రూట్ ముక్కలు తింటే ఐరన్ పెరిగి, రక్తహీనత నుంచి బయటపడొచ్చు.
- బీట్రూట్ తినడం వల్ల శరీరంలో హిమోగ్లోబిన్ శాతం పెరుగుతుంది. అందువల్ల శరీరానికి కావాల్సిన ఆక్సిజన్ లభిస్తుంది.
- జ్యూస్ లేదా పచ్చిముక్కలు తిన్నా కూడా నీరసం తగ్గుతుంది.
- ఒక బీట్రూట్,ఒక క్యారెట్ కలిపి జ్యూస్ చేసి, దానిలో ఒక చెక్క నిమ్మరసం పిండి తాగితే రోజంతా యాక్టివ్గా ఉంటుంది.
- దీనిలో విటమిన్ బి, సిలు పుష్కలంగా ఉన్నాయి. అందువల్ల హై బీపీ అదుపులో ఉంటుంది. గుండె జబ్బులు రావు.
- పిల్లలకు బీట్ రూట్ జ్యూస్ క్రమం తప్పకుండా ఇస్తే వాళ్ల శరీరానికి పోషకాలు అంది ఆరోగ్యంగా ఎదుగుతారు.
== వెలుగు లైఫ్
