- ఇద్దరు డిగ్రీ విద్యార్థినుల వెంటపడ్డ కుక్క
- భయంతో పరుగులు తీసి కిందపడ్డ బాధితులు
- తల, ముఖానికి గాయాలు
బషీర్ బాగ్, వెలుగు: కోఠిలోని చాకలి ఐలమ్మ మహిళా విశ్వవిద్యాలయంలో కుక్కలు స్వైర విహారం చేస్తున్నాయి. వెంటపడి మరీ దాడులకు తెగబడుతున్నాయి. సోమవారం క్యాంపస్లో నడుచుకుంటున్న వెళ్తున్న ఇద్దరు డిగ్రీ విద్యార్థినులను కుక్క వెంబడించింది.
దీంతో వారు భయంతో పరుగులు తీయగా, కిందపడి తీవ్రంగా గాయపడ్డారు. గమనించిన తోటి విద్యార్థులు కుక్కను అదిలించి, గాయపడిన ప్రజ్ఞ , అంకిత ను సమీప హాస్పిటల్కు తరలించారు. కాగా, వర్సిటీ లోపల కుక్కలు స్వైర విహారం చేస్తున్నా అధికారులు పట్టించుకోవడం లేదని విద్యార్థినులు ఆరోపిస్తున్నారు.
